انا ودماغي: يوليو 2009

الأحد، ٢٦ يوليو، ٢٠٠٩

البنات تقلع براحتها و محدش يفتح بقه

حتكلم فى موضوع يمكن يكون قديم شوية

بس افتكرت انى عايزة اتكلم فيه لما و انا بحول كدة و بتفرج على التلافزيون و لقيت مسلسل قضية رأى عام و انا بصراحة بحب المسلسل ده

قلت اما اتفرج و كانت اكتر حلقة فرستنى ..هى مش الحلقة كلها لكن جزء فى الحلقة

و هذا نصه

الاخت يسرا واقفة فى جمعية نسائية و لا حاجة كدة و الجمعية دى مفيهاش غير راجل واحد و مطلعينه متدين

و كعادة الرجال المتدينون فى السينما و التلفزيون لازم يطلع ضيق الافق بيتكلم بصوت عالى بيقول آراء غلط و لا يتحدث سوى اللغة العربية الفصحى

فالراجل ده طلع بيقول للحاجة يسرا فيما معناه:

إن الإغتصاب كتر اليومين دول عشان اللبس العارى للبنات

راحت يسرا ردت و قالتله فيما معناه برده:

بطله تخلف بقى ما هو فى امريكا عريانين و مش بيحصل كدة

(يعنى من الآخر احنا نقلع براحتنا)

بس الاستاذ السينارست و الاستاذة يسرا اتعملوا مع الموضوع على طريقة

(لا تقربوا الصلاة)

و مكملوش الآيه

هما فى امريكا مفيش إغتصاب كتير لأن العلاقات الغير مشروعة اسهل عندهم من شرب المية و التيك أواى

الواحدة لما توصل لعشرين سنة و هى لسة عذراء بيبقى فيها حاجة غلط و محدش بيحب يقربلها و بيعتبرها مش طبيعيه

يعنى اديكوا مثال مثلا:

لما انت كل ما تجوع تلاقى اكل انت بتحبه و تاكله و معندكش مشكلة..هل ممكن تفكر انك تسرق اكل ؟!!!

نفس الحال فى أمريكا..المفروض اصلا ميكونش عندهم إغتصاب مش النسبة تكون قليلة

انما هنا فى مصر

مش محتاجة اقولكم ان الوضع مختلف

نفس اللى حصل مع الاخت منى زكى لما كانت طالعة فى برنامج و بتتكلم عن فيلمها العظيم و بتقول اصل كل ما واحدة يتم إغتصابها يقولك اصل لبسها

انا مش فاهمة هى الناس دى عايزة إيه...عايزة البنات تقلع و الولاد متبوصش عشان كدة عيب

أديكوا مثال تانى قبل ما اوصل للب الموضوع و اللى انا عايزة اقوله

دلوقتى أنا و انت وانتى لما بنكون صايمين و بنلاقى إعلان فى اكل او شرب مش بنحول عشان منفتكرش اننا جعنين و عشان منتعبش اكتر

صح ولا لأ؟!!!

طب دلوقتى فى ظل الحالة اللى احنا فيها دى ..مفيش شغل مفيش شقة مفيش جواز مفيش فلوس و مفيش فايدة (عكس امريكا تماما)

ناقصة هى بقى البنت تبقى ماشية اللى هى لابساه قلته احسن

انا من هنا بقول ان لبس البنات سبب مهم اوى من اسباب الإغتصاب و مش الوحيد عشان محدش يقولنى كلام

طب يجى حد و يسألنى..طب ما فى واحدة منتقبة و بتتعاكس و ممكن يتم إغتصابها

حقولوا دى مش القاعدة أبداااا..

و على العموم

انا متأكدة إن لو واحدة منتقبة و تم إغتصابها فده بيكون نتيجة ترسبات كتير اتعرض ليها المغتصب و جت فى المنتقبة

لكن محدش يقنعنى ان واحدة تيبقى ماشية ساترة نفسها و حد يشوفها فيفتن و يغتصبها ..

و مش زى ما واحدة لطيفة طلعت فى برنامج لطيف و قالت كلام لطيف ألا و هو :

الممنوع مرغوب و اللى بتغطى بتفتن اكتر من اللى معرية

و حدى نفس المثال بتاعنا و احنا صايمين

لما نبقى صايمين و فى اكل مكشوف و اكل تانى متغطى و مش عارفين ده إيه

مين اللى حيجوعنا اكتر؟!!

سيبالكوا الإجابة...

فا انا من هنا بقول بطلوا بقى كلام فااااااااااااارغ

طبعا لبس البنت العريان بيجنن الشباب و من كتر اللى هما بيشفوه فى الشوارع بيدفع الناس الضعيفة منهم انهم يلجأوا للإغتصاب

كفاية بقى غلط فى كل حاجة ربنا أمر بيها ..حرام عليكوا احترموا ربنا شوية و احترموا تعاليمه..ده لو مديرك فى الشغل حتعمله إعتبار أكتر من كدة

اتقوا الله..إيه يعنى عايزين البنات تبقى ماشية قالعة و الولد اللى يعاكس و لا يغتصب يبقى غلطان من ساسه لراسه و البنت يا عينى هى اللى غلبانة اللى بتعانى من قهر المجتمع..

انا مش بدافع عن المغتصب ابدا..لان غير الإعدام مينفعش ليه..

بس ياريت الموضوع يتبصله بموضوعية شوية ..لان اغلب الاوقات بتكون البنت شريكة فى الجريمة

الخميس، ٢٣ يوليو، ٢٠٠٩

كل سنة و انتوا و احنا طيبين اوى زى ما احنا

النهاردة عيد ميلاد مهم جدا جدا جدا

عيد ميلاد مدونتى حبيبتى

بقالى سنة انا و هى مع بعض و معاكو ..لما ازعل اروحلها و ارحلوكوا و لما افرح افرحها و افرحكوا و لما اتلخبط الخبطها و اخبطكوا

سنة عدت و انا معاها و معاكوا ..اتعلمت منكوا حاجات كتير و حبتكوا و بقيتوا جزء لا يتجزأ من حياتى

يمكن اكون ظالمة المدونة بقلة البوستات اللى بكتبها..و بظلمكم لانى مش على طول بجيلكوا و ارد عليكم و اقولكم رأيى فى بوستاتكم

بس اول ما بلاقى الوقت بقعد معاها و معاكوا اكبر وقت ممكن

خلال السنة دى كتبت 44 بوست الكام بوست الاولنين كانوا عن الثانوية العامة و اللى حصل فيها و انى عايزة اخس لأنى خرجت منها تختوخة

و بعد كدة اتكلمت عن التنسيق و انى محتارة بين إعلام و تجارة إنجلش و انى خلاص اخترت تجارة إنجلش..و بعدين اتكلمت عن انى خسيت و نزلت جبت لبس الجامعة و بعدين كتبت بوست عن صلاة التراويح (بوست بندم عليه) و لما جيت اقراه دلوقتى اتنرفزت اوى و قلت انا إزاى كنت كدة..حتى انا فاكرة إن مرات خالى لما قريته اتدايقت منى و انا بقيت مضايقة منها عشان عرضتنى فى البوست و اقعدت اقول هى اللى مش مستوعبة الفكرة اللى انا عايزة اوصلها..بس طلعت انا اللى غلط فعلا

و بعدين اتكلمت عن اول يوم فى الجامعة و اتكلمت عن ايامى الجامعية عاملة إزاى..قلتلكم انى خايفة اذاكر لوحدى من غير بابا و انتوا طمنتونى و الحمد لله ربنا رفع راسى..بعدين اتكلمت عن بداية اجازة نص السنة و بعدها جت وفاة جدو الله يرحمه و كتبت عنها و بعدين كتب عن أوضتى و انى عايزة ارتبها و بعدها ركزت شوية على إيه بى سى لأنى بجد لقيت نفسى فيه..و فيه بوست كدة انا مستنية اوى انى انزله و حتكلم فى عن إيه بى سى كلام جميل اوى محتاجة اقوله و اعرف رأيكوا فيه

و فى بقى مدونين شجعونى جامد اوى فى بدايتى و لازم اشكرهم و هما (الترتيب باللى دخل الأول :) ):

شوية و شوية

الشنكوتى الكبير

مجموعة حياة

اكون او لا اكون

محمد غالية

ليدى

عايزة اتطلق و

blue wave

كيارا

دول بجد الناس اللى لقيتهم ادونى دافعة و شجعونى انى اكتبت تانى

بس طبعا كلكم ليكم أثر فى حياتى بس نقدر نقول ان دى اول ناس عرفتها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بوستات عزيزة عليا

يا حلاوتك يا دماغى

http://anawedemaghi.blogspot.com/2008/07/blog-post_24.html

التخن لازم يكون موضة

http://anawedemaghi.blogspot.com/2008/08/blog-post_19.html

اول يوم جامعة يا ولاد (إهىء إهىء)

http://anawedemaghi.blogspot.com/2008/09/blog-post_21.html

ما كان من زمان الكلام ده

http://anawedemaghi.blogspot.com/2008/09/blog-post_12.html

و اخيرا اثبت بالدليل القاطع ان دماغى لا تصلح

http://anawedemaghi.blogspot.com/2008/10/blog-post.html

كليتى يا كليتى

http://anawedemaghi.blogspot.com/2008/11/7-12-7.html

بكتشف حاجات جوايا

http://anawedemaghi.blogspot.com/2009/04/blog-post.html

تخاريييييييييييف

http://anawedemaghi.blogspot.com/2009/06/blog-post_22.html

اكتر بوست ندمانة عليه

يوم الإستعباط العالمى

http://anawedemaghi.blogspot.com/2008/09/blog-post_16.html

اكتر شهر بوستاته كانت اغلبها كئيبة

شهر فبراير

نبذة عن المدونة

هى مدونة صحبتها بتتكلم عن يومياتها بطريقة ممكن تكون كوميدية احيانا و بتحاول انها تتكلم عن سلبيات فى الناس و المجتمع بطريقة ساخرة

و يارب تكون صحبتها قدرت انها تعلقكوا بالمدونة و تكونوا انتوا بتستمتعوا لما بتيجوا هنا

____________________________________________________________

كفاية رغى بقى..خلونا ندخل على الحفلة

احم.....

انا قاعدة بقالى ربع ساعة بحاول انزل صور...فى مشكلة انا مش عارفة إيه هى

(وش مكثووووووووووووووف)

بجد معلش يا جماعة

طب بصوا

فى تورت عند محمد غالية و البت إيمى بمناسبة عيد ميلاد مدونتهم برضه

روحوا كلوا عندهم يللا (وش بيطلع لسانه)

سورى بجد ..و الله ما عارفة فى إيه :))

الخميس، ٩ يوليو، ٢٠٠٩

باركووووووووووووووووووولى

الناجح يرفع إيده

هييييييييييييييييييييييييييييييييييييييييييييييييييييييييييييييييييه

الحمد لله يا جماعة جبت جييييييييييييييييييييييييييييييد

بس التيرم التانى كان فاضلى درجة على جيد جدا

هييييييييييييييييييييييييييييييييييييييييييييييييييييييييييييييييه

أنا سعيدة أوى لأنى كنت واخدة السنة دى تحدى زى ما قلتلكم لأنى طول عمرى كنت باخد دروس و كمان كان بابا بيشرحلى كل المواد و أنا مكنتش بفكر تقريبا

فا بجد أنا سعيدة أوى انى اعتمد على نفسى و جبت كدة

الحمد لله

و بالمناسبة الحلوة دى فى مفجأة خصوصا لابو على

ابو على

خد دى عندك

أنا قررت آخد دش و انضف المدونة

يللا بقى ...كفاية عليك خنقة نفس

الأحد، ٥ يوليو، ٢٠٠٩

شجرة العائلة التدوينية :)

أولا أعذرونى فى تقصيرى معاكم ...بس أنا و الله متبعاكم كلكم

و عايزة اقول لحجا المصرى بجد مدونتك حلوة اوى أوى اوى و عجبانى جدا بس معلش و الله مش قادرة حتى ارد عندى

بس إن شاء الله كل حاجة حترجع طبيعية بس مش عارفة امتى اصل احنا خلاص حنعمل الشقة و حنبيضها و أنا أساسا تقريبا كل كام يوم بنزل الجامعة من أول اليوم

بصوا بقى يا جماحة...أنا مكنتش ناوية انزل بوست غير لما اللى الحاجة اللى ذكرتها فى البوست اللى فات تحصل أو متحصلش حتى البوست اللى كنت حنزله عن مقابلتى مع كيارا و عن البلاوى اللى عملتها فيا و فى جرسون المطعم

بس مش قادرة و عايزة اقلكم عن لقاء المدونين اللى بنعملوا كل جمعة عند تيتا و جدو !!

اصل انتو متعرفوش انا و خالتى و مرات خالى و بناتها كلنا عندنا مدونات و دى بجد حاجة مفرحانى أوى لأننا كدة حنعمل احتلال و حنسطو على أى مدونة مش عجبانا (وش شريييييييير)

و قريبا بدور العرض

بنت خالتى

ده حتى سارة بنت خالى اللى عندها 3 سنين و شوية بتقول أنا عايزة اعمل مدونة

احب اعرفكوا بالمدونات و الترتيب بالأقدمية

http://hanaa-sarah.blogspot.com/

شوية و شوية (مرات خالى)

http://anahwa.blogspot.com/

أنا و هو و ... (خالة مرات خالى)

sohilasworld.blogspot.com

سهيلة بنت خالى..عندها 9 سنين

بجد فرحانة بيها اوى اوى اوى و اسلوبها عجبنى اوى

و احسن حاجة مش عاملة زى اختها و بتكتب بالإنجلش