أخدت شحنة جامدة أوى بجد

إزيكم يا جماعة...عاملين إيه

بصراحة قبل أى حاجة لازمن و لابد أنزلإعتذار لواحدة حبيبتى أوى وهى :

كــــــــــيارا

بجد أنا أسفة أوى لأنى كان المفروض أكون معاكى أكتر من كدة و متصلة بيكى أكتر بس و الله أنا فعلا كنت مشغولة أوى

ده أنا قعدت يومين ورا بعض مشوفتش بابا فيهم خاااااااااااااااااااااااااالص

معلش متزعليش و يا رب دايما اشوفك سعيدة يا خيارتى يا جميلة أنتى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أما يا جماعة أنا فرحانة اوى بجد

الكونفرنس خلص خلاص و عايزة أحكى عنه كتيييييييييييير أوى لأنى بجد أستفدت حاجات حلوة أوى اوى أوى و عرفت ناس جميلة

بس أنا دلوقتى حتكلم عن أهم حاجة حصلتلى لأن خلاص معنديش وقت خالص طول الأسبوعين دول

أنا قمت عملت برزنتيشن يا جماعة

لولولولولولولولى

أنا الأول كنت مرعوبة جدا جدا

و كنت بقول لنفين اللى نتدينا الكورسات إنى مرعوبة أوى اوى ...قالتلى لا يا بنتى الموضوع مش صعب والله

و بعدين أنا اعرف أنك غنيتى صولو قبل كدة يعنى الموضوع المفروض يكون خلصان

بعد الموضوع ده مش صح خااااااااااااالص

أساسا و أنا بغنى صولو يأما ببص فوق يأما تحت مش بحاول أبص على البنى آدمين اللى قاعدة و يوم ما ببص ببص على ميس هالة بتاعة الموسيقى لأن بغنى قدامها من رابعة إبتدائى لأولى ثانوى و الموضوع عندى مفيهوش مشكلة معايا

و كمان و أنا فى البرزنتيشن ممكن حد يوقفنا و يسألنا طب أنتو عملتو كذة كذة ليه و يطلع القطط الفاطفسة بالأسئلة بتاعته وده فى حد ذاته كارثة لأن أحنا المعلومات جيبنا بالعافية (و بعدين حصل موقف كدة و التيم بتاعنا بقيت أنا واوحدة تانية فى أولى زى و التالته فى سنة تانية) و التيم أصلا المفروض أن 9 و د اللى زود قلقى لأن أحنالسة مش عندنا خبرة جامدة زى بتاعة الناس الكبيرة

ما علينا

إنما بقى و أنت بتغنى صولو و بقتول مثلا (أن تدخلنى ربى الجنة هذا أقصى ما أتمنى )محدش من السادة المستمعين حيفقعك سؤال و يقولك مثلا تعمل إيه عشان تدخل الجنة

فبجد بجد الصولو غير البرزنتيشن خالص على الأقل بالنسبة ليا

المهم يعنى قمت و عملت البزرنتيشن و بجد عايزة احكى على كل اللى عملته بس إن شاء الله فى بوست تانى

بس بقى إيه بعد البزنتيشن و التحليلات و كل البلاوى الزرقة ما خلصت التيم بتاعنا خد المركز التانى و قعدوا يقولولنا أحنا مكوناش متوقعين إن ناس فى سنكم و عددكم القليل ده يعملوا الشغل الجامد ده

و بعدين لقيت نفين بتقولى :أنتى الآى كونتاكت أو طريقةعينى و أنا بتكلم يعنى قالتلى عليها هايلة بجد و كنت حاسة إن الناس كلها مركزة معاكى و إن أنتى قادرة تجبيهم كلهم على عكس كل اللى قاموا و بجد مكنتش مستوعبة أبدا أنك واحدة فى سنة أولى

أنا بقى سمعت الكلام ده و بقيت فرحانة أوى أوى و مش مصدقة أنها بتقولى أنا

بصوا يا جماعة أنا أستفدت أوى أوى من اليوم ده و أتكلمت مع ناس كبيرة أوى و خدت منهم خبرة جامدة و كمان كست حاجز الرعب الرهيب من البرزنتيشن

بس أنا إن شاء الله ناوية أنزل بوست كامل أتكلم فيه عن اليوم ده من أول لآخره

و إن شاء الله ححاول آخد بطلب مجموعة حياة و أنى أنزل بوست أتكلم فيه عن الأزمة المالية و تأثيرها و يا رب أعرف أكتب فيه زى ما أتكلمت

آه صحيح

واحدة من اللى بيدونا فى الكورس جت قالتلى ....أميرة أحنا عازينك تبقى معانا تدى الكورسات لمدة أسبوع

طبعا فرحت أوى بس رفضت لأنها قالتلى حيبقى الأسبوع ده كله ميتنج و حتحضرى معانا اللى حتقوليه

فا طبعا مش حينفع لأن الميد تيرم كمان أسبوعين و أنا نفسى أذاكر بقاااااااااااااااااااااا

بس بجد زعلت أوى لأنى ضيعت فرصة زى دى

عايزاكوا تدعولى أوى بقى يا جماعة ربنا يوفقنى فى الميد تيرم عشان خطرى لأن الموضوع كبير كبير أوى

و على فكرة بقول ل

Kholios

إن بتوع تجارة إنجلش مش مرتاحين كدة زى ما أنت كنت فاكر و الله أحنا متبهدلين أوى أوى أوى و الدنيا مش بمبى معانا خالص

يللا بقى يا جماعة أشوفكوا بعد أسبوعين إن شاء الله

عااااااااااااا و كمان عاااااااااااااااااا

تعبت أوى أوى يا جماحة بجد

بصوا أنا حسيب التدوين فترة مش عارفة قد إيه أنا أى نعم بقالى فترة مش بنزل بوستات بس كنت على طول أقرا بوستاتكم الجديدة

لكن حتى دى مش حتتعمل

أصلى مطحونة أوى لأنى بجانب المذاكرة اللى لسة بقول يا فتاح يا عليم فيها بآخد الكورسات اللى تبع ال ABC موديل اللى كنت قلتلكم عليه

و قال إيه طالبين مننا ميزانيات لبنوك و سياستها فى إعطاء القروض بعد الأزمة العالمية الله حرقها لا و كمان قسمونا لتيمات و كل تيم بينافس التانى و فى الآخر حيشوفوا أحسن تيم عمل أحسن تقرير و ميزانية و حركات كدة

و الموضوع ده مش سهل و التيم بتاعى مجننى و حاسة إنى أنا اللى حعمل كل حاجة و هما حيفضلوا نايمين

و بما إن إمتحانات الميد قربت و كمان النيلة الكونفرنس بتاع ال ABC بدأ فانا أحمد ربنا لو لقيت وقت أنام

عايزاكوا بجد تدعولى أوى لانى نفسى أعمل حاجة فى الكونفرنس ده

حتوحشونى أكتر ما أنتوا وحشنى

عاااااااااااااااااااااااااااااااااااااااااااااااااااااااااا

و قابلت خيارتى...ترلم ترلم...هيق هيق

وحشتونننننننننننننننننى جدا خالص أوى اوى

معلش أنا عارفة غنى مقصرة معاكو بس و الله ما أعرف ليه

الواحد كدة اليومين دول حاله ملخبط

أم هند

أنا النهاردة بجد كان من أسعد أيام حياتى

أصل قابلت كيار...قصدى خيارتى

يااااااااااااااااااااااااااااااااااه أما كان يووووووم يا جودعان

عوضلى زعلنى إنى مروحتش اللقاء إمبارح

أنا على غير هدى كلمت خيارة إمبارح عشان تخلينى أكلم كل اللى معاهم فى اللقاء

المهم لقتها بتقولى أنا حعدى عليكى بكرة

فقلتلها :أنتى بتكلمينى

قالتلى:أيوة أصل أنا حروح أمضى ورق فى الجامعة عندكوا و حعدى عليكى

قلتلها:هييييييييييييييييييييييييييه أوكى

و بعدين قفلت بقى عشان (إحم إحم)هى عارفة و ربنا حليم ستار

هههههههههههههههههههههههه

المهم اتكلما بالليل و أتفقنا و بعدين اتقابلنا النهاردة و خدتنى معاها الشغل و كلمنا دكتور عمرو و محاسن صابر

أما بقى الست هانم ضد التيار كانت بتاكل رز مع الملايكة

ماشى يا ضد خليكى فكراها

بصراحة انا كنت عايزة أكلم كل الناس اللى على موبايل خيارة بس بصراحة خوفت الكردت بتعها يخلص تقولى هاتيلى كارت على حسابك

طبعا رغينا فى حجات كتييييييييييييييييييييييييييييييييير أوى و شربنا كابتشينو و بعدين هى جالها شغل كتير و انا كنت عايزة أمشى عشان المحاضرة....فمشيت و أنا فرحانة وفى نفس الوقت زعلانة لأنى كنت عايزة أقعد معاها اكتر من كدة

ملحوظة لكيارا:

أنتى بجد زى العسل و دمك خفيف و على فكرة أستفدت جامد من كلامك

ده أحنا أتكلمنا على القضية الفلسطينية يا جدعااااااااااان..أصل احنا ناس جامدة:))

بس عليكى ضحكة جبااااااااااااااااااااااااارة

و معلش والله كان نفسى أجبلك مصاصات بس كان كله بالفراولة

بس أنا شكلك أتخضيتى لما بعتلك و قلتلك إنى تخينة و قصيرة و لابسة نضارة

بس كان لازم أبين نفسى معفنة أوى عشان تتخيلينى زباله و فجأة تلاقى منظرى شغال يعنى

بس فرحت أوى لما قلتيلى إن قلبك ارتاح لما شوفتينى

بقولك إيه خدى دى

مووووووووووووووووووه

و أبقى سلميلى على اللى تحت الفحص

هع هع هع هع هع

سلااااااااااام يا جماعة و عقبال ما أشوفكم كلكم