حسيت بإحساسك يا ماما :(

إزيكم يا جماعة عاملين إيه

بصراحة أنا النهاردة حسيت إحساس ماما لما بتتجنن لما بتشوفنى بعمل حاجة مش فى مصلحتى و تقعد توقلى أعملى كذة و انا أقولها لأ

أقولكم بقى اللى حصل

أصل بما إن تيتا مامت بابا مش عايزة تيجى تقعد مع حد بعد جدو الله يرحمه فأحنا بقينا نحاول نخلى كل حد فينا من ولادها أو ولاد ولادها يروحوا يباتوا معاها يوم عشان نبقى مطمنين

و أنا بما إن أجازتى يوم الخميس فا بطلع من الجامعة على تيتا أبات معاها و أقعد معاها الخميس لحد ماما و بابا ما يجوا لزيارة الخميس و الجمعة اللى بنعملها لتيتا و جدو كل أسبوع

و للصدفة الجميلة اللى كانت غير مقصودة إن بيت تيتا و جدو بتوع ماما بعيد حوالى 3 دقايق مشى لبيت تيتا بتاعة بابا

المهم النهاردة الصبح لقيت ماما بتتصل بيا و بتقولى أنزلى لتيتا عشان تعبانة أوى لانها يا حبيبتى جتلها كحة جامدة أوى من الفجر لحد الصبح و هى أساسا عندها القلب ما مش مستحملة

روحت أنا لابسة و جرى على تيتا أشوف مالها

روحت لقيت الكحة هديت شوية و هى و جدو كانوا بيفطروا ........و بعد الفطار

تيتا قالت لجدو: قوم بقى أعملنا الشاى

أنا لجدو: لأ خليك أنت..........أنتى بقى يا تيتا حعملك شاى بلمون

تيتا:يعععععععععععععع مش بحبه خالص

أنا:ما هو مينعش لازم تاخدى حاجة تضيعلك اللى أنتى فيه ده

تيتا:طب روحى بس اعملى الشاى و بعدها نتفاهم

و بعد الشاى

أنا:جدو .....فى عسل أسود هنا

جدو:لأ ..بس لو عايزة تاكليه حنزل أجبلك

أنا:أكله إيه بس يا جدو أنت عايز تبوظلى الريجيم

جدو: أمال عايزاه ليه

أنا:عشان اديه لتيتا و أحط عليه لمون و توم عشان الحكة تروح

تيتا: لأ لأ كله إلاده مش بحبه

أنا:طب أعملك إيه

تيتا:و لا حاجة

أنا :آه ده أنتى بتدلعى بقى........طب بصى بقى مش بمزاجك حتخدى العسل و عليه اللى أنا قلته ده مدام أنتى مش عارفة مصلحتك....جدو أنزل هات العسل يللا

تيتا: هههههههههه عاملة زى أمك فى قلقها عليا يا لوللا

أنا و أنا متغاظة جدا من تيتا لقيت نفسى بفكر فى ماما

ياااااااااااااااااااااااه ده أنا بغلبها أوى مش فى العية بس أنا تقريبا كل حياتى معاها كدة تبقى عارفة مصلحتى فين و أنا أبقى فاكرة إنى افهم أكتر منها ....و فى الآخر بتطلع هى اللى صح بس بعد يا عينى ما يطلع عنها معايا

ياااااه مامادى بتستحملنى أوى و الله تيتا دى لو مكنتش تيتا و ست كبيرة كان بقى ليا تصرف تانى عشان نشفان راسها ده...غريبة إن ماما مش بتنزل عليا بالشبشب و الله الست دى حمالة قسية

انا خلاص قررت أنى مأوحش ماما كتير لأن بجد الإحساس غبى أوى لما تشوف إن اللى قدامك بيتصرف ضد مصلحته و فاكر إنه صح و أنت عارف إيه اللى فى مصلحته و تقدر تعمله و هو بيحارب فيك

ملحوظة: تيتا برضه مخدش العسل حتى بعد ما نزلت جدو يجيبوا ....أعمل معاها إيه.....صحيح جيل عايز الضرب

باركولى كولى كولى.........هييييييييييييييييه

أولا أنا آسفة جدا لأنى مش برد على تعليقاتكم و لا بوستاتكم الجديدة و الله مطحونة من ساعة ما بدأت التيرم التانى

بس فى خبر مقدرتش أمسك نفسى و لقتنى بفتح اللاب توب و عايزة أكتبه

أنا جبت

جيد جدا

فى الميد التيرم

لولولولولولولولولى

أنا فرحانة اوى هو آى نعم الميد تيرم ده النتيجة الصغيرة بس أنا برضه فرحانة اوى خالص جدا

و الله أنا كنت على أعصابى و خايفة بس أهوه الواحد الحمد لله أطمن شوية

أحكيلكم بقى إيه اللى حصل

قال أنا كنت قاعدة بذاكر محاسبة و مندمجة جدا و فجأة لقيت الموبايل بيرن

(قد من الله علينا إذ بعث الهادى أحمد)

قلت مين الرخم اللى بيرن فى وقت رخم زى ده.....ببص لقيتها البت أمانى

و رديت

أنا: آلو

أمانى:أميرة..... صحبتى أتصلت بيا و بتقولى إن النتيجة بتتعلق

أنا:ها؟

أمانى:و جبتلى الدرجة

أنا: كام؟

أمانى:عشرين و نص من تلتين (جيد يعنى)

أنا:طب ده لحو أوى

أمانى:حلو إيه بس....عشان خطرى لو لقتيها نزلت على النت أتأكديلى منها

أنا: حاضر.....بس برضه مبروك الدرجة حلو يا هبلة

أمانى: الحمد لله

أنا: منك لله ....أمانى أنا خايفة أوى

أمانى: يا بنتى خير إن شاء الله

أنا:طب اقفلى بقى...مش عارفة أتكلم

أمانى:طيب سلام

خرجت الصالة و بقيت بصى لماما و بابا و بابا قالى حاجة كدة و الله ما فكراها بس أنا قلتله النتيجة طلعت

فبابا قالى هى مش فى نص 3

أنا:مش عارفة بقى و الله بيستهبلوا إيه الحركة القرعة اللى عملوها فينا دى

ماما لبابا:طب ما تشوفها فى النت

أنا: لأ ...لأ انا بكرة حشوفها فى الكليه...لأ...................طب شوفها كدة

ماما و بابا: ههههههههههههههههههههههه

أنا و انا ماشية فى الشقة:يالهوووووووووى لأ بس أنا و الله حليت كويس محدش يزعقلى.....أكيد حتظلم فى التصحيح

ماما:يا بنتى أهدى مالك

بابا:حيحصل غيه يعنى أركزى كدة ما احنا هادين أهوه

أنا: يا ناس حرام عليكو دى اول درجة تطلعلى فى الجامعة..........آآآآآآآآآه بكره الإحساس ده ليه كدة يا أمانى

و بعدين افتركت إن رنا صحبتى بس فى جروب تانى لسة فى الكلية روحت مكلماها

أنا:رنا بيقولوا الدرجات بتتعلق

رنا:آه دلوقتى

انا:طب شوفيلى الدرجة

رنا:اوكى يا جميل ...كلمينى كمان عشر دقايق أكون جبتها

أنا:طيب

و قفلت

و بعدين رنتلى فأنا خدت الموبايل و دلخت بيه ابعد اوضة فى الشقة عشان محدش يسمع

أنا:ها

رنا:مبروك يا جميل درجات حلوة أوى

و تكتكتكتك (أنا بكتب الدرجات يعنى)

و حسبناها و الحمد لله

لولولولولولولولولولى

عقبال الفاينل

بس أحسن حاجة إنى قفلت مادة

economic resourses

المادة اللى كانت خنقانى دي و عملت بوست عشان اشتمها (فاكرين ؟)

الحمد لله

الحمد لله

الحمد لله

تعليق و عايزة اعرف رأيكم فيه

إزيكم.....على الله تكونوا بخير

الحقيقة انا فى تعليق جالى على البوست اللى فات خلانى أقف قدامه فترة و انا مش مصدقة إن ممكن حد مدون يكتبه

التعليق أهوه

ربنا يوفقك يا ريت لما تكتبي , تكتبي عن موضوع مفيد بلاش نقعد نكتب قصصنا و حواديتنا متزلعليش مني ربنا يوفقك

أنا عمرى ما تخيلت للحظة إنى بكتب كلام فارغ أو حاجة لا تستحق الإهتمام

اولا أنا شايفة إن المدونة دى و بالكلام اللى أنا بكتبه فيها خلتنى أفك عن نفسى كتير

و خلتنى أكتسب مهارات إجتماعية مفيدة جدا ليا

و بعدين المدونة اسمها (أنا و دماغى) يعنى اللى بيجى فى دماغى بكتبه

و كتبة عن نفسى إنى على طبيبعتى فى كل الأوقات

و أنا بطبيعتى مش بعرف اكتب شعر و لا بعرف ائلف قصص و يمكن أكون بحب أسمع فى السياسة لكن محبش اكتب فيها

بحب دينى و أحيانا بقرأ فيه و بتفرج على برامج دينية

لكن برضه معرفش أكتب فيه .

هل عشان أنا مقدرش اكتب فى الكلام ده إنى خلاص معملش مدونة ....أصلى مش حكتب كلام مفيد

انا عن نفسى شايفة إن اللى أنا بكتبه مفيد على الاقل بالنسبة ليا و ممكن يكون لحد فيكوا لأنى بكتب كلام ممكن يفيدكم يضحكوا

يديكوا فرصة إنكم توصلوا فكرة معينة

أنا بجد التعليق ده كان صادم أوى ليا

انا دلوقتى عايزة اعرف رأيكم فى التعليق ده.....لأنى عمرى ما جه فى دماغى إنى بكتب كلام فارغ

أكتشافات جديدة فى أوضتى العزيزة

أسكوووووووتوا مش أنا وضبت أوضتى

لا و الدولاب كمان

آى و الله

بس خير اللهم ما أجعله خير و أنا بوضب الأوضة لقيت حجات رائعة و أكتشافات عظيمة

بصوا بقى

أصل أنا دايما لما آجى أوضب الأوضة يادوب أعمل السرير و أكنس الأرض و ممكن ممكن لو فى مزاج أو لو ماما عملت نفسها مش واخدة بالها ألمع الإزاز

لكن لا عمرى لا قربت من أدراج و لا مكتبة غير عشان الكتب و الورق

فا المهم و انا بوضب الأوضة بطريقتى العظيمة المعتادة قلت فى عقل بالى طب يا بت ما توضبى الأدراج و المكتبة و التسريحة أهوه أبقى قاعدة فى راحة نفسية و قتلا للوقت

بدأت بإدارج المكتب

طبعا لقيت كتاكيت مفقسة فيها

آشى ورق ملوش لازمة على ورق شيكولاتات من كل صنف و نوع

أصلى أيام الإمتحانات مقدرش مكلش شيكولاتة و كفاية إنى بمسك نفسى أيام الدراسة

فالمهم بما إنى بجبها يوميا أيام الإمتحانات بضطر بعد ما أكلها أحط ورقها فى أدراج المكتب عشان ماما متخدش بالها و تزعقلى

بس انا كدة خلاص فضحت نفسى.ربنا يستر بقى و مضربش

المهم....

أستعنت على الشقا بالله و وضبت الأدراج طلعت بجد حجات غريبة و كمية اقلااااااااااااااااام ملهاش عدد

روحت حطاها فى المقملة دى بتاعة المكتب اللى من ساعة ما جبتها و هى فاضية و دلوقتى إيه بتقول الغوث.حتفرقع خلاص

المهم وضبت الأدراج و مسحتها و عايزة اقولكم أنها تقريبا دلوقتى بتنش مفيهاش حاجة تقريبا

روحت بقى على التسريحة اللى فعلا كان شكلها و شكل الدرج بتاعها بيخلينى متعصبة

فضيت الدرج و لقيت المانكير بتاعى

هييييييييييييييييه

أى نعم فى 3 أنواع ناقصين و مش عارفة راحوا فين بجد

بس الحمد لله أنى لقيت أربعة

و كمان لقيت الدبابيس الجديدة اللى جبتها

لسة بلفتها و الله و أنا برده كنت بدور عليها و ملقتهاش

و لقيت كمان....الفرشة اللى أنا كنت عايزة ارميها

آه و الله

كان فى فرشة كدة قعدت فترة بدور عليها عشان أرميها آدينى لقتها و رمتها

لولولولولى

و لقيت الصور بتاعتى الصور اللى أتصورتها للثانوية و الصور اللى للجامعة

هييييييييييييه

حطتطهم بقا مع بعض و مش حضيعهم تانى

و لقيت كمان 30 جنية مرمين فى آخر الدرج

يا حللولى ده الفقير اما يسعد

و لقيت بقى ورق معرفش إيه اللى جابوا و لقيت كمان حاجة معرفش إيه اللى جابها

لقيت مسكرة بعلبتها لسة متفتحتش

جت منين دى يا ربى مش فاهمة أنا عمرى أساسا ما حطيت كحل عشان أحط مسكرة

و معتقدتش انها بتاعة ماما لانها لا يمكن تيجى تحط حاجة عندى فى الأوضة و كمان ماما بقالها فترة مش بتحط مسكرة و لا حاجة

و البتاعة دى شكلها جديد

ينوبكوا فيا ثواب اللى يعرف دى لمين يقولى

و طبعا لقيت بنس و توك جديدة برضه

روحت موضبة الدرج و مخلياه فلة و نظمتوا

طلعت بق على التسريحة من فوق و أكتشفت حاجة جامدة جدا

أكتشفت إن الريحة بتاعة الأوضة اللى كنت برشها عشان تخلى الأوضة ريحتها حلوة مش موجودة

سألت ماما عليها قالتلى مساء الفل....أنا رميتها من يجى شهر أو أكتر صالحيتها انتهت يا هانم

قولتلها طب و أنا مالى بتزعقى ليه هو أنا اللى كنت خلصت صلاحيتها.عمرها كده

خلصت من التسريحة و وضبتها و حطيط الكريمات و البرفانات و الزيوت بشكل حلو

و رحت ماسكة المكتبة

و ضبتها و فضيتها و خلتها بتبرق كدة

و كمان مسحت الإزاز بتاعها

أما الدولاب بقا فكان ليلة لوحدة

أنا بقيت وقفة قدامه بضرب كف على كف و ماما تيجى تضحك عليا و تمشى

يا فرحتى بيها

طبعا بعد عناء و لا مجال لذكر كم الهدوم اللى اكتشفتها و كم الطرح

و الركن بتاعة الشمعات بقى زحمة جداااااااا بعد ما كان بينش و كنت ببصله و أنا زعلانة و أقول عايزاه يتملى

و دلوقتى أقدر ألبس أطقم كتير بعد ما كنت ببدل فى 5 أطقم اللى موجودين على الشماعة تجنبا لأنى أفتح الركن التانى و أدور على باقى لبس الخروج

يااااااااااااااااااااااه بجد يا جماعة حسيت براحة نفسوية بعد ما وضبت الأوضة و الدولاب بس ربنا يستر و مش يتكركبوا تانى

لأنى مش ناوية اعيد اللى انا عملته ده تانى

سوق الكانتو بتاعى

تعبت بجد يا جماعة

ماما كل شوية تقولى وضبى سوق الكانتو بتاعك(اللى هو الدولاب)

توضيب الدولاب ده حاجة خنيقة بجد......و بعدين مدام هو كده كده حيتنعكش تانى يبقى أوضبه ليه و لا هو فراغ و خلاص

يعنى أنا مثلا النهاردة و أنا خارجة كنت قاعدة بدور على البندانا السودة بتاعتى و مش لاقياها

فا روحت سألت ماما عليها قالتى روحى شوفيها فى سوق الكانتو.....طبعا الكلمه ضايقتنى محبش حد يتهم دولابى إنى سوق كانتو

و روحت و أنا كلى إصرار أنى افتح الدولاب و أجيب البندانا من بق الأسد.....بس أول ما فتحت قفلت تانى و فكرت أنى أغير الطقم أسهل من أنى أدور على البندانا

بس كسلت البس طقم تانى و لبست طرحة و عملتها باندانا و ريحت نفسى

بس بجد بجد مش انا السبب ماما كل ما تطبق الهدوم بعد ما تغسلها تدهانى كدة و تقولى حطيها فى دولابك أنا بقى بكسل أفنط الهدوم و أحط لبس الخروج على الشماعة و هدوم البيت مطبقة فى الرف التانى و بحطهم كلها فوق بعض فى الجزء بتاع هدوم البيت و خلاص

حتى لو مديانى هدوم الخروج لوحدها و البيت لوحده لسة حعقد أفرد هدوم الخروج على الشماعة (هو إيه أصله ده)

أنا حتنازل المرة دى و أوضب سوق الكانتو قصدى دولابى حبيبى بس بعد كدة ماما لازم يكون عندها حل من ال2 ملهومش تالت

يأما هى اللى تحطلى هدومى فى الدولاب بشكل منظم و كل لبس لوحده و ده انا بحبذه لأنه حيدى ماما خبرة واسعة فى انها تفرق بين لبس الخروج و لبس البيت و أماكنهم بالظبط و حيديها كمان خبرة فى فن التوضيب و التنظيم

يأما بقى لما تغسل لبس الخروج تدهونى جاهز على الشماعة و انا اعلقه و لبس البيت مطبق كدة و حلو و النظام ده ممكن استحمله و امرى لله

ها يا جماعة أنهى طريقة أحسن عشان اروح أقول لماما

و لاونى متأكدة أنى قبل ما ألحق أتكلم حكون مشرفة فى المستشفى لان ماما حتكون أدتنى بالمنقى

لأ بس انا بجد زحلااااااااااااااااااانة أوى مش عارفة أوضب الدولاب الغبى اللى جوة دة إزاى إزاى إزاااااااااااى

الحمد لله على كل حال

أنا طول عمرى بكره الحزن و بضايق لما بشوف حد زعلان

بحب دايما أكون فرحان و مش بحب التشاؤم

و مكنتش أحب أبدا أنى أكتب بوست زى ده على المدونة.......بس انا مخنوقة أوى و زعلانة أوى

آخر مرة روحت بيت تيتا مامت بابا بعد جدو الله يرحمه ما مات كان بعد موته بحوالى 3 أيام و كانت عمتى و ولادها موجودين و أخويا و بابا...و تيتا كانت نايمة و مشوفتهاش....مقعدناش كتير و كان كل الحوار إزاى يقنعوا تيتا إنها تيجى تقعد فى أكتوبر سواء مع عمتى أو معانا

لانها معارضة الموضوع ده أوى و مش عايزة تسيب البيت وأتكلموا عن عمتى اللى فى السعودية و آد إيه هى زعلانة منهم عشان مقلولهاش إن جدو عيان و انهم مقلولهاش على طول أول ما مات و كانت قاعدة عادية محستش فيها بحاجة

و بعدين مشيت مع ماما لأن خالو كان حيجى ياخدنى و أروح معاه المقطم أقعد اسبوع...و رحت معاه و لما رجعت إمبارح روحت على بيت تيتا و جدو بتوع ماما ....

و بعدين لما جه يوم الجمعة وضبت الشقة شوية مع ماما و خالتو و أتغديت و نزلت روحت عند تيتا........بس قبل ما أنزل ماما قالتلى رايحة فين ...قلتلها رايحة عند تيتا و جدو ..قصدى عند تيتا و ساعتها حسيت أنى مخنوقة أوى لما قلت عند تيتا بس

المرة دى بقى لما روحت كانت تيتا صايحة و كانت أول مرة اشوفها بعد وفاة جدو ..كانت لابسة أسود حسيت أنى حعيط أول ما شوفتها بالاسود و لما دخلت عليها فى الأوضة لقيت صورة جدو متعلقة...نزلت دموع من عينى مسحتهم بسرعة قبل تيتا ما تاخد بالها

و بعدين قعدت مع تيتا و بتكلم عادى عن حجات كتير زى ما كنا بنتكلم..بس الفرق إن جدو مكنش معانا فى الحوار بتاعنا

كنت دايما بحب أسمعه لما بيتكلم...كان حوارى مع تيتا على الرغم من أننا كنا بنضحك و بنهزر مع بعض إلا أنى كنت حاسة أنه حوار بارد

زى الأكلة الساعقة اللى مفهاش ملح.....حسيت أنى حعيط أتخنقت و مبقتش عارفة اعمل إيه و مش عايزة اعيط قدامها...دخلت الحمام و أنا عارفة إنه غلط و عيط فيه

بعدين حسيت إنى مش قادرة أتكلم مع تيتا دخلت الاوضة اللى فيها الكمبيوتر و قلت أقعد على النت شوية يمكن افوق

و أول ما دخلت الاوضة لقيت فيها الكتب بتاعة جدو

ياااااااااااااااااااااااااااااااااه

بصتلها بمرارة أوى......جدو أول ما عرف إنى بدأت أحب القراية كان بيقعد يقولى أنا عندى كتب حلوة أوى عايزك تقريها

بس انا كنت بطنش لانى عارفة ذوق جدو.....هو بيحب كتب الطبيعةو التاريخ و الفلسفة و أنا مش بحب الأنواع دى

فا لما كان بيقولى مكنتش بروح أقرا حاجة......فا هو جه فى يوم ز أدانى كتاب عن الحيوانات البرية و قالى أقريه

قلتله حاضر أخلص فرجة على الفيلم و أقراه و طبعا مقرتهوش

أفتكرت الكتاب ده و قعدت ادور عليه بس ملقتهوش.......روحت باصة للكتب لقيت فيها أنواع بحبها و لقيت فيها روايات كمان...بس هو كان غالبا بيقرا الانواع دى فا أنا أفتكرته معندوش غيرها

يا ربى........يعنى لو كنت كلفت نفسى و بصيت للرف بتاع الكتب كنت حلاقى كتب جميلة و كنت ممكن أناقشه فيها

عيط شوية و روحت رايحة على الكمبيوتر....لقيت نفسى عاملة أفكر فى جدو و حاسة إن الأوضة و البيت كله فى منتهى السخافة

فتحت المدونة و كتبت البوست ده

دى فضفضة كان لازم أقولها لأنى كنت عايزة أكلم أى حد و مش لاقية

أنا رجعت يا رجااااااااالة

أخيرا رجعت لمدونتى حبيبتى

بقالى كتير مشوفتهاش و لا غلست على الناس اللى فيها

و خصوصا أبوعلى ده حيشوف منى أيااااااااااااااااااااااااااااااااااااااااااام حخليه يسك على المدونة بتاعته و يبيع بطاطا فى آخر شارعهم

أحم أحم

بصراحة يا جماعة أنا أتصلقت فى الكام شهر اللى فاتو حاسة زى ما أكون بالظبط فى ميدان عام و فى ناس كتييييييييير و رايحة جايه تدينى على قفايا

كنت حاسة أنى تايهة بس دلوقتى خلااااااص عدينا التيرم الأول بتاع سنة أولى و التيرم الأول ده يا ولاد أتعلمت منه أنى

أولا

أحترم الفلوس الفكة.......أينعم حاكم الفلوس الفكة دى طلعت نعمة و اللى يكرها يعمى ....الله يرحم أيام ما كنت أشوف الفكة قدامى زى الكلبة و لا أعبرها و كنت احب منظر العشرينات و الخمسينات و الميات أوى فى محفظتى و أول ما ألاقى فة أروح بيهم لماما أو بابا يجمدوهملى دلوقتى بقى أتربيت بقت الفكة دى شىء مقدس فى حياتى و يا سلام كدة لو أنا ماشية فى البيت بالصدفة و لقيت فلوس فكة ده يبقى يوم فرح .......أصلى أنا كل ما آدى سواقين المواصلات فلوس مش فكة بيبصولى بقرف كدة كأنى مستحمتش بقالى سنة و 3 شهور

فأنا تجنبا للبصة دى و تجنبا لأنى أقعد أقول للسواق الباقى لو سمحت بقيت أخد فكة معايا كتيييييير جدا

ثانيا

أتعلمت إزاى أنط من السور بتاع سلم السودان صح و أنى آخده على طول من غير ما أقف و آخد فى وشى و أمشى على طول من غير ما أتلفت ورايا و أبص إزاى كان حد شافنى و لا لأ

ثالثا

أتعلمت إزاى أنط فى أتوبيس جيزة و أتوبيس بولاق لواء أيون أصل الراجل السواق بيبقى ماشى و لا كأن فى شخصية آدمية المفروض تركب فأنا بقيت أنط

رابعا

أتعلمت إزاى أحشر نفسى فى الزحمة عشان أوصل للأتوبيس كنت الأول أفضل مستنية لحد ما الناس و تركب و الغريبة إنه بيعدى بتاع عشرتاشر أتوبيس من غير ما أركب.......تفتكروا ليييييييييييييييييه

خامسا

أتعلمت إنى أزن على بابا عشان يجبلى عربية.....كان زمان لما كان بيقولى حجبلك عربية فى الجامعة كنت ببص عادى أصلى مكنتش حاسة إن الموصلات حاجة رخمة لأنها فى أكتوبر سهلة جدا و عادية ......دلوقتى بقيت فى الرايحة و الجاية أقوله عايزة عربية إنشاالله خنفساااااااااا

سادسا

أتعلمت إزاى لما حد رخم يجى يكلمنى أصده بأدب ده كنت يا حبة قلبى زمان ناس رخمة تيجى تكلمنى و أنا افضل أتكلم و بعد ما الحوار يخلص أقعد أعيييييط و أحس إن أعصابى تعبت دلوقتى بما إنى قابلت ناس رخمة و شايفة نفسها كتير بقيت أعرف إزاى أسلقهم و افرسهم من غير ما حد يمسك عاليا غلطة

سابعا

أتعلمت إنى مخفش من الإنترفيو أصلى عقبال عندكو اتقدمت لإنترفيو عشان أشترك فى موديل ال

ABC

لأنى حاسة إنى بما إنى فى تجارة إنجلش يبقى الموديل ده حيفدنى......و اللى مش عارفين يعنى إيه موديل أقولهم كدة على السريع هو عبارة عن نموذج مبسط للتدريب على الحياة العملية و من خلاله بنقدر ننفذ النظرى اللى بناخده فى الكليه بطريقة عملى و بيأهلونا فيه لأننا نقدر نواجه سوق العمل بعد ما نتخرج بس لازم قبل ما تقبل فيه تعمل إنترفيو و أنا عملت و قبلت يا جودعااااااااان

لولولولولولولولولولولولولولولولولولولولىىىىىىى

أما بقى بالنسبة للإمتحانات و المذاكرة فأنا أستفدت شوية حاجات كدة بس لسة مش حقدر أحكم على اللى أنا عملته إلا بعد النتيجة ما تتطلع :(

أدعولى ربنا يسترهاااااااا

إنا لله و إنا إليه راجعون

كان نفسى أول بوست أكتبه بعد الأجازة يكون أحسن من كدة و كنت مرتباله حلو أوى

لكن للآسف مش كل اللى أنت بتخططله بيحصل.........................

جدو أتوفى تانى يوم الأجازة ........كان تعبان أوى و ده لرحمة ربنا بينا أنه أدانا تمهيد

بس هو ليلة موته حالته كانت أتحسنت و كنا فرحانين أوى و كان عندنا أمل كبير أنه جده يخف خالص

و هو كمان كان فرحااااااان أوى يا حبيبى

بس الساعة واحدة و نص بالليل بقى قاعد يقراه قرآن لوحده و مبقاش عارف أى حد من اللى حواليه بس كان بيسأل على تيتا

عشان كان عايز يشوفها و هى جت تقراه قرآن و تدعى جنبه .......كان فى إحساس إن دى هى النهاية بتاعته

قعد يقرأ قرآن لحد 11 و نص الصبح تانى يوم و بعدين صدره قعد يطلع و ينزل جامد راحت تيتا حاطة إيدها عليه و قعدت تدعى

و كل ما تقول الدعاء هو يهدى و فى الآخر ابتسم إبتسامة جميلة أوى و مات

يمكن الحكاية اللى أنا حكيتها دى هى اللى هونت علينا شوية لأن الحمد لله نهايته كلنا نتمناها

كل اللى مزعلنى إنى مش حقدر أشوفه تانى .......كان دايما كل ما بروح عند تيتا مامت بابا كان هو اللى بيفتح بإبتسامه جميلة

و تاخدنى فى حضنه و يبوسنى........(وحشنى أوى)

بطلب منكم تترحمه عليه و تدعوله لأنه محتاجه أكتر ما هو محتاج الحزن عليه