كنت و أنا كدة قاعدة بذاكر البسبس (او البزنس يعنى)كنت عمالة اقول يااااااه خلاص بقى دى اخر مادة و بعدين حقعد اغنى و اقول اعطنى حريتى و اطلق يداى .....و آدى الاجازة اهه و آدى يداى اللى اطلقت
إيه بقى
إيييييييييييييييييه
و لا حاجة كنت عمالة أقول حعمل شغل فى المدونة محصلش و حروح ساقية الصاوى ده فيها كام ندوة تحفة و حروح الجيم و حروح المكتبة و حعمل ماسكات فى وشى
و النتيجة.....
حالة من الكسل غير عادية
و بعد كدة.....
لما راحت حالة الكسل النهاردة لقيتى بروح احجز كورس المحادثة و الكمبيوتر عشان اخدهم و حان الوقت للتجهيز للقنبلة اللى عايزة اعملها و بجد حاسة انها حتغير حياتى
و المدونة.......
مش لاقية وقت ارد على حد....زى الدراسة بالظبط....فى مدونات نفسى ادخلها و مش لاقية وقت ...فى جروبات على الفيس عايزة اتابعها اول بأول و مش عارفة مش بعمل كدة ليه
و فى النهاية حاسة انى قاعدة ورايا واجب ولازم يخلص و مش حاسة انى فى راحة
فرحانة برضه:
النهاردة و أنا بحجز للكورس بتاع الإنجلش و الكمبيوتر الراجل قالى عاجبنى انك محددة اللى انتى عايزاه و فعلا حاسة بأهمية اللى انتى عايزة تخديه
و ماما كمان قالتلى فرحانة اوى ان انتى اللى بتسألى على الكورسات أنا كنت فاكرة انك مش حتعملى حاجة و انا مكنتش حبقى حابة اضغط عليكى فى الموضوع ده
طب فرحانة ليه بقى......
لأنى فعلا حاسة ان تفكيرى بيتغير ..حتى طريقة كلامى أنا ملاحظة انها اختلفت
و كن إن الراجل ده و ماما يقولولى كدة..بجد دى حاجة فرحتنى اوى
اصل أنا اصلا كنت عاملة زى الكبة فى ثانوية عامة...لا كنت بعرف اصد و لا أرد
ال mail
أكتر حاجة بكرها فى حياتى انى ادخل على المايل بجد...مش بطيقه و مش بطيق اكتر انى اعمل تشك أب على الرسايل اللى جيالى
و كل اللى يعرفنى بيبقى فاكر انى عملاله بلوك أو اوف لاين و مش بكلمه...محدش قادر يستوعب انى فعلا ببقى متنرفزة و انا قاعدة على المايل
و أيام اجتماعات إيه بى سى اللى كانت بتتعمل على المايل..ربنا وحده اللى يعلم أنا كنت ببقى مش طايقة الإجتماع إزاى
بجد يا جماعة بكره المايل أوووووووووى و مش لاقية سبب لده
الفيس بوك
بكره انى اقعد اعمل اجنور لكمية الجروبات اللى ملهاش لازمة اللى بتتبعتلى و يا سلام بقى لو حد على الفيس بعتلى هدية و لا مش عارفة توب فريندز....و أنا أصلا معرفش الخيارة من رغيف العيش فى الموضوع ده...لدرجة إن البت ضد بعتتلى هدية فا قولت لازم بقى ابقى حد جينتل و أرد عليها بهدية ...يعنى البنية لسة جديدة عندى و برضه يعنى مينفعش اسبها كدة
و ياريتنى ما بعتلها حاجة ياختى/يا خويا
جيت ابعت بوسة معرفش إيه اللى حصل لقتها اتبعت لل211 فرند اللى عندى...و أكيد بقى شكلى وحششششش قدام بعض الناس(فهمنى أكيد)
من يومها و أنا حالفة ما أنا بعته حاجة تانى
أنا آخرى فى الفيس ده الجروبات و الكويزات و الفيديوز و الفرندز و الحالات بتاعتهم و اتفرج على الصور و بسسسسسس
بفكرررر...
عايزة اعمل على الفيس البوم ل إيه بى سى فيه صور السنة دى و اللى بعدها و اللى بعد بعدها و اللى بعد بعد بعدها إن شاء الله
بس الموضوع ده مخوفنى لأنى مبحبش احط صورى على النت ..بس بجد نفسى فى كدة و مش عارفة اعمل إيييييه
و بفكر كمان اغير استايل لبسى...مش عايزة البس كارينة و لا حاجة قصيرة تانى...و نفسى البس جيبة...يا رب اعرف اعمل كدة
ربنا....
القرب منه نعمة... مسكين اللى مش عنده النعمة دى
بجد من ساعة ما علاقتى بربنا بقت إلى حد ما كويسة و انا حاسة بسكينة و فعلا حاجات كتير بتتفتحلى كدة بالبركة...بجد بجد أنا بحبك أوى يارب...و يارب انعم على كل المسلمين بالهداية و خليهم يحسوا لذة القرب منك
اللهم آمين
المدونين....
عاملين فى حياتى شو رهييييييييب
أنا بجد بحبكم أوى ...و بجد اى حد من اللى محطوطين على جنب دول ..متعرفوش ببقى عاملة إزاى لما بشوف حد منهم عندى
ربنا يخليكوا ليا
و أخيرا
أنا داخلة على منعطف تاريخى (القنبلة اللى ذكرتها فوق)
داخلة بجد فى موضوع مش سهل ابدا..بس مش حقدر اقوله دلوقتى...لو حصل حقولكم عليه...و لو محصلش برضه حقولكم عليه
بس كل اللى بطلبه منكم بجد
لو حد افتكرنى كدة و هو قاعد يدعيلى إن الموضوع ده لو فيه خير ليا ربنا ينولهونى ...و لو مفهوش ربنا يبعدوا عنى
سورى بجد على الإطالة...بس انا كدة طلعت اللى جوايا
.jpg)
49 comments:
أول تعليق
كلنا قولنا كده يا أميرة
كلنا قعدنا نقول هنعمل وهنعمل بعد الامتحانات
وأول ماخلصت الامتحانات نمنا وكسلنا
ربنا معاكي ياحبيبتى ويوفقك لما فيه الخير ان شاء الله
شموسة....
ربنا يرزقك الخير دايما
وربنا يعلم معزتك انتى كمان عندنا
دمتِ فى سعادة
السلام عليكم
علي فكرة تقريبا بيكون هذا الحال في معظم مراحل الحياة
يعني بنقول كتير كتير والتنفيذ بيكون بنسب ضئيلة أو صغيرة مقارنة بما نحلم به أو نامله
ربنا ينور لك ولنا الطريق ويعينا علي أحلامنا
تحياتي
ماشاء الله عليكي نشيطه ومرتبه وقتك وربنا يوفقك في الموضوع الي قولتي عليه يارب
التغير
كلنا نحاربه
لاءننا نفقد الروح التى تقود والعزيمة التى تعطى الحافز
ولكن ما يجعلنا نرتاب ونخاف من التغير
هو ضعفنا فى وضع خطة وترتيب الاولويات مع هدف واضح
فشحنى الاصرار
وضعى نجاحك امام عينك وتذوقى حب الاخرين فى جمال تغيرك
وسوف تستمرى فى كل شيىء مميز
تحياتى على بوست هادف واستحمى بقى
هههههههههههههههههههههههههههههههههههههههههههههههههههه
على فكرة لو مابعتيش مش كنت هزعل بدل اللى انتى عملتيه ده يا أخناتون ^_^
ربنا معاك ياقمر ويوفقك لما يحبه و يرضاه
و بعد كده لما ابعت حاجة مش لازم الرد ^_*
ربنا معاكي يا قمر ويوفقك لكل خير
انا كمان قليل قويييييي لما بدخل على الايميل اصلا.. دة الواحد مش لاقي وقت اساسا يتابع مواضيع المدونين
عااااااااااااا
بس انا عموما كائن مـنتخ وبستمتع بوقت الراحة.. ومش ناوية اشتغل غير لو ربنا كتبلى اكمل مشوار التدريس فى الجامعة بعد الماجستير ان شاء الله
يارب يديكى كل اللى فيه الخير يا قمر
بصى يا أميرة هو حالة الأنتخة اللى بعد الأمتحانات دى مفروغ منها لازززززززم الواحد يديلو أسبوع نوم متواصل بلا انقطاع عاااادى يعنى
وبجد أنا بحيكى على أهتمامك بتطوير نفسك وأنت لسه فى الكلية بدل ماتعملى زى ناس "اللى هو أنا" بعد مخلص فاق من الغيبوبة اللى كان فيها
أتعبى فى الفترة دى و خدى كورسات على قد ماتقدرى هتسبقى ناس كتيييير
وبخصوص الموضوع ربنا يوفقك و ييسر الأمور أنه ولى ذلك و القادر عليه
سلااااااااااااااااااااااااااااااااااااحف
شكلك كده والله أعلم جالك عريس ههههه
ربنا يقدرلك الخير عاجله وآجله
بس حلوه فكرة الكورس واضح غاويه مذاكره ربنا يوفقك
انتهينا من اختيار الفائزين في مجالي الشعر والقصة القصيرة وذلك لعددنا الأول ولكن مازلنا نرحب بكل الأعمال لأن المسابقة دورية , من يريد أن تصل أعماله من مدّونته الى جمهور القراء فى مصر والوطن العربي , ارسل لنا أعمالك من قصة وشعر وخواطر الى البريد الألكتروني التالي
arabicsabah@yahoo.com
كما نرحب بمقالاتكم التي ستنشر فور ارسالها على جروب الجريدة وستصبح مفتوحة لمناقشتها بين القراء ... تابعونا على جروب الجريدة
http://www.facebook.com/group.php?gid=78080770039
انتظرونا قريباً في الاسواق
تحياتي
الصباح العربي
شموسة....
يعنى دى حالة طبيعيو :)
طب كويس و الله
mohamed ghalia...
ربنا يكرمك :)
مش عارفه ارد علي ايه ولا ايه
بس بحب انا البوستات دي
بحس ان الواحد خرج شحنه كانت جواه..:)
ربنا معاكي يارب
وتحققي كل اللي بتتمنيه
hasona ...
اللهم آمين
و بتمنى ان التنفيذ يكون كتير زى الاحلام
حاسوباتيه....
اللهم آمين
ربنا يكرمك يا قمر
ABOALI...
و الله كلامك فى الجون يا أستاذ :)
بس برضه مش حستحمى
Sweet Violet.....
ههههههههههههههه
صدقينى أنا من نفسى مكنتش حبعت
الواحد مش ناقص فضااااااايح
MaNoOoSh......
و الله معاكى حق
عااااااااااااااا
ربنا يكرمك إن شاء الله و نشوفك معيدة قد الدنيا :)
بسنت صلاح الدين...
و يكرمك يا بسبس :)
Kholios....
اللهم آمين يارب
فعلا أنا شايفة انى اتعب الأربع سنين دول احسن ما اتعب طول حياتى
تحياتى ليك
و بعدين انت مش ناوى تنزل بوستات و لا إيه !!!!!!!1
ahmed_k...
هههههههههههههههه
عريس حتة واحدة...ده احنا لسة بنقول يا هادى
لأ ابدا و الله الموضوع اهم من كدة بكتيييير ربنا ييسره بس ..هو محتاج وقت شوية
و الله المذاكرة دى شر لابد منه انا مش غاوياها و لا حاجة
كشف الدكتور صلاح البردويل القيادي في حركة المقاومة الإسلامية حماس والمتحدث باسم كتلتها البرلمانية أن الرئيس الأمريكي الأسبق جيمي كارتر قدَّم رسالةً لحماس أسوأ من شروط "الرباعية"، مؤكدًا أن الحركة لن تخضع لأي ابتزازٍ سياسي فيما يتعلق بالثوابت رغم كل الضغوط والتهديدات، مشددًا على أن هذا قرار إستراتيجي.
وأوضح البردويل في تصريحاتٍ له خلال ندوة سياسية عقدتها صحيفة (فلسطين) أعلنت اليوم؛ أن خطاب مشعل سيؤكد ويذكر العالم بالثوابت الفلسطينية في ضوء المستجدات السياسية الأخيرة، مشيرًا إلى أن هذا الخطاب سيتناول أمرين: الأول يتعلق بتذكير العالم كله بالثوابت الوطنية الفلسطينية، وسيكون تعقيبًا واضحًا على خطاب رئيس حكومة العدو الصهيوني بنيامين نتنياهو، أما الأمر الثاني: فهو أن هناك خشيةً من تصفية القضية الفلسطينية؛ حيث إن رد فعل السلطة لم يكن مستنكرًا خطاب نتنياهو إلا ببعض العبارات العاطفية، ولا يزال التنسيق والعمالة الأمنية جارية في الضفة الغربية.
وأشار القيادي في حماس إلى أن خطاب مشعل يأتي بعد خطابي نتنياهو وأوباما وزيارة كارتر التي كشف لأول مرة عن رسائل تهديد حملتها.
وأوضح البردويل أن الرئيس الأمريكي الأسبق جيمي كارتر، وخلال زيارته إلى قطاع غزة مؤخرًا، قال لـ"حماس": "ساعدونا حتى نساعد أوباما على أن يتغلب على اللوبي الصهيوني ويحقق سياسته"، متسائلاً: "بماذا يريد أن نساعده حتى يساعد ميتشيل، وحتى يساعد ميتشيل أوباما، وحتى يستطيع الجميع أن يتقدموا في سياسة التغيير، وأن يرفعوا شروط "الرباعية" عن الشعب الفلسطيني!".
واعتبر أن كارتر قدمَّ رسالةً أسوأ من شروط "الرباعية"، قائلاً: "طلب منا أن نوقع عليها (الرسالة) لنرسلها إلى ميتشيل ليرسلها إلى أوباما.. كلهم يلعبون لعبةً واحدة".
وأضاف: "وقال كارتر: (إن ميتشل ينتظرني على أحر من الجمر، وإذا لم يحصل على هذه الرسالة فأنا أعتقد أن مصيركم سيكون صعبًا جدًّا جدًّا، وحتى لو حدثت انتخابات لن يسمح لكم حتى بدخولها.. أنا حزين لذلك.. أنا لا أريد ذلك، ولكن القرار ليس بيدي)".
وشدد البردويل على أن "اللعبة واضحة.. أوباما يبدأها.. نتنياهو يستثمرها.. كارتر يلعب في تشبيك العلاقات والاستفادة المباشرة من ردود الأفعال عمليًّا".
واعتبر البردويل أن أوباما لعب في منطقة فارغة لا علاقةَ لها بالملعب السياسي ولا بالقرارات، وترك بعدها المجال لنتنياهو ليضع النقاط على الحروف، وقالها بشكلٍ واضح: دولة يهودية، لا عودةَ للاجئين، لا قدس لكم، لا سيادة لكم، لا دولة لكم، لا جيش لكم، لا ماء لكم، وهذا الخطاب تم تأييده فورًا من الإدارة الأمريكية"، قائلاً: "الآن باتت الصورة واضحة، سواء لفريق رام الله، أو لكل الذين راهنوا على أن هناك تغيرات؛ فقد وضحت سمات التغيير لدى أوباما".
وتابع: "كارتر لا يأتي إلى المنطقة بمحض الصدفة، وليس رجلاً بلا قرار.. كارتر بالتأكيد جاء بأوامر من أوباما شخصيًّا؛ لأن أوباما تلميذ كارتر، وميتشيل تلميذه كذلك، وهذا ما قاله كارتر بنفسه.. هذا الحراك الأوروبي الذي بات يتململ، له ما بعده ونحن لا نخشى أن يكون القادم أخطر على "حماس".
وأكد أن أمام "حماس" خيارات، والفاصل في ذلك صمودها، وأن تكون نموذجًا لذلك، وهناك رياح التغيير تهب في العالم العربي ككل، وهذه التغيرات تشكل مفاتيح في يد "حماس" قائلاً: حماس ليست وحدها في مأزق؛ الاحتلال وأمريكا ودول أوروبية وعربية كثيرة في مأزق، والمأزق سياسي أخلاقي اقتصادي.. الآن الفيصل هو الحكمة والهدوء والقدرة على اختراق الساحات.. الفيصل هو الحفاظ على الثوابت، وسيحقق إنجازًا على الأرض".
هى المرحلة دى كدا
وجميل فعلا انك تحققى هدفك
وتستمرى باصرار وترتبى حياتك
تقسيمة البوست عجبتنى انتى مقسمة وقتك وافكارك صح وعارفة اية بيضايقك وبتحبى اية وبتكرهى اية يعنى بتوجهى نفسك ودا شئ جميل
ربنا يوفقك ويحققلك كل اللى بتتمنية
ويكتبلك اللى فية الخير
تقبلى مرورى
معلش الكسل ده حاجة طبيعية جداااااااا بعد شهور من الامتحانات
ثانيا ربنا يارب يثبتك وتعرفى تلبسى زى مانتى عايزك ويقربك منه اكتر واكتر ويرزقنا جميعا الهداية
ثالثا الميل انا برضه مبحبش الشات اوى ولا بحب اعمل شيك على الرسايل عادى جدا بس بحبه مفتوح كدة وخلاص
رابعا على فكرة الكورسات مفيدة جدا لو حاولتى كمان تطبيقها عملى وعلى فكرة برضه لسة شخصيتك هتتغير اكتر واكتر واكتر كلنا كنا شخصية مختلفة خالص قبل ما ندخل الكلية
خامسا احسن متحطيش صورك على الفيس بووك ولا على اى موقع محدش ضامن
ربنا يوفقك يارب
تحياتى
ايمى
انتي عسوله اوي بجد ..
ربنا يكتبلك اللي فيه الخير .. ولو فيه خير ليكي يكون ليكي ولو شر يبعده عنك ويقدرلك الخير دايما ..
ادعي ربنا دايما وقولي " اللهم اقدر لي الخير حيث كان ثم ارضني به"
ازيك ايه الاخبار
كلنا زيك كده بنفضل نحلم نحلم وفى الاخر ننسي كل حاجه
ونعيد من الاول
بس ان شاء الله ربنا يقويكي واحنا معاكى علشان نحقق احلامنا كلها
اللهم اصلى واسلم عليك يا نبي
كويس انك قلتى اللى جواكي
وده سبب من اسباب ان الواحد يعمل مدونة
بس بالنسبة لـ
و بجد اى حد من اللى محطوطين على جنب دول ..متعرفوش ببقى عاملة إزاى لما بشوف حد منهم عندى
يعنى لو حد مش محطوط يعنى ؟
تحبى امشي ؟
لاسف الحر والملل
مأثرين على الكل
الله يديم عليكي السعاده يارب... وتزيد علاقتك بربنا دايـــماً... اللهم آمين...
بالنسبة لموضوع إنك حاسه إن فيه حاجات كتير لازم تعمليها... ده بالظبط نفس مشكلتي... لكن اللي بيحصل معاي إن رغم إنشعالي وتفكيري بأشياء كتير بيتعبني ويأرقني... وبالأخير مش بيصير إلا اللي بيريده ربنا... يعني إجري جري الرحوش غير رزقك ما تحوش ههههه
بس بجد أنا مش عارفه إيه مشكلتي مع الوقت وتنظيمه...
الحمد لله على كل حـــــال...
مش إنتي لوحدك مش بتحبي الميل... أنا بكرهه هههه وبكره الموبايل...
ربنا يوفقك يا أميره... على فكره أنا كمان إسمي أميـــره...
: )
انتى كده محتاجه عشرين اجازه فوق الاجازه
تحياتى
من عينيه هدعيلك من كل قلبي
ياجميله
وانا كمان مبسوطه انك هتنمي قدراتك وتاخدي كورسات
ربنا يوفقك
ازيك يابنوته
واحشانى يااللى مش بتسالى
انا مقدره اللى انتى بتقوليه علشان انا منشغله زيك كده
عارفه بقى انا اكتر منك شويه حاسه بالاحساس ده الا الفيس بوك لانى بكرهه اصل اما الماسنجر عادى
ادعيلى علشان مناقشه مشروع التخرج بتاعى بعد بكره
ربنا معاكى فى خططك :)
طيب كويس جدا
ياريت أنا كمان أدخل فى المدونين الى حضرتك بتابعيهم
مدون جديد
حبيبة قلبى وصديقتى انا ودماغى
طبعا اولا الف مبروك على انك خلصتى الامتحنات وانشالله النتجية كويسة
تخاريفك حلوة اوى ولالنسبة لخطوة الكورسات دى حجاة جميلة جدا وهتنفعك فى حياتك جدا
وكل اما تتقدمى وتتحضرى بنفسك هتلاقى شخصيتك بتتقدم وتتحضر اكثر وزى مقلتى طريقة كلامك اتغير لان عقليتك اصلا اتغيرت للاحسن وللافضل
ربنا يباركلك يا رب
تحياتى صديقتى
بالتوفيق باذن الله
وتخاريف اليوم
انجازات الغد
وباذن الله حياتك تبقى كلها انجازات
تحياتى
hager za3bal
اللهم آمين
فعلا انا حسيت انى ارتحت بعد ما كتبت الكلام ده
انتى ظريفة اوى على فكرة مع انى اول مرة اجى عندك بس والله بجد يعنى حبيتك وحبيت مدونتك اوى
احساس طفلة محبة للرومانسية بس واقعية....
إزيك يا قمر عاملة إيه
يا رب اكون فعلا محددة كل حاجة أوى كدة...أحسن الواحد بيجيلو اوقات و تلاقيه مخرف آخر حاجة
EMMY BABY ...
اللهم آمين
انا حتى الميل مش بحبه اساسا مفتوح يا سلام كدة لو يتغلى :)
و انا عارفة انه خطر حوار الصور اللى على الفيس ده ...بس بجد نفسى احطها
عاااااااااا
أنــا...
اللهم آمين يا رب
انتى اللى عسل و جميلة و بمووووووت فيكى
engy ...
تمام
أنتى عاملة إيه؟
يا رب يا انجى بجد يوفقنا كلنا و يهدينا الى ما يحب و يرضى
ياسر سليم...
افندم تمشى تروح فين يا فندم
انتوا كلمكم مجيتكم على راسى من فوق و بعدين ما انت اتحطيط خلاص...يعنى حتيجى حتيجى شئت ام ابيت :)
نهر الحب...
:'(
الكسل ده مشكلة والله في كتاب مفروض أرجعه عشان ينزل .. في الاجازة
في حاجات عايزة تخلص عشان الشغل .. في الاجازة
كله في الاجازة .. والاجازة قربت تخلص ومفيش حاجة اتعملت
مدونة رائعة وهادفة تقبلي مروري وتحياتي
ويبقى التواصل
انا بصراحة اسف على التأخير وعن تقصيرى فى السؤال لكن والله خرجت من الامتحانات ودخلت فى دور برد جامد اوى انا اسف بس اخر مرة ان شاء الله
تحياتى
احمد الشاعر
صباح الفل ياعشل
و حشنى تدوينك
و بحب فيك العزيمه و النشاط
لكن خدى بالك ساعات النشاط الزائد بيجى وراه خمول زائد حاولى توازنى بين نشاطك الدراسى و نشاطاتك الخاصه حتى لا تصابى بالملل المفاجئ
ادعيلك حبيبتى أن ربنا يوفقك فى كل ما تريدين و يجعلك فيه الخير و يجعل الهنا حظك و نصيبك
و يديم عليكى نعمه
لكن لى نصيحه لك بطلى عصبيه هههههههههه
سلام ياغاليه
معدى وقلت اسلم
اشوف فين باقى التخاريف
عسى تكون بخير
فينك يا دماغ
إرسال تعليق