إزيكم يا جماحة ...عاملين إيه
على الله كل حاجة تكون تمام
أنا فى كام كلمة كدة عايزة اقولها و حاسة إن واجب عليا انى اقولها بحكم انى مسلمة و عرفتها
طبعا انا قلتلكم إنى كنت فى موديل اسمه
ABC
و من خلال المدويل ده اتعلمت حاجة كان المفروض فعلا انى اتعلمها
اتعلمت نظام الإقتصاد الإسلامى و البنوك الإسلامية
كنت قبل ما ادخل كنت مقتنعة ان عادى و مش حرام انى احط فلوسى فى بنك غير إسلامى
بس فعلا لما دخلت الموديل ده وفهمت يعنى إيه اقتصاد إسلامى و عرفت إن الشريعة الإسلامية ترفض الحصول على مال زائد مقابل مال
(يعنى بمعنى أدق انهم بياخدوا فايدة و ده طبعا حرام لأنه ربح ناتج عن تسليف المال..يعنى مش ربح ناتج عن تجارة أو عمل ملموس)
و كمان فى الفترة الاخيرة لو حد متابع طلع المفتى وحرم التعامل مع البنوك الغير إسلامية ...حتى فى الغرب بدأو يدرسوا الإقتصاد الإسلامى لأنهم لقوا إن البنوك الإسلامية كان تأثرها بسيط أوى بالازمة الإقتصادية
الكلام عن الإقتصاد الإسلامى كبير أوى
بس أنا لقيت إن لازم أقول كدة
ده جروب (إقتصاد اسلامى ) على الفيس بوك عملوه ناس معانا فى الموديل _جزاهم الله خيرا_
ياريت بجد تشوفوه و تشوفه قد إيه النظام الإسلامى الإقتصادى رائع
و ياريت لو حد فعلا تحمس و همه الأمر ننشر الفكرة...يمكن نكون سبب فى ان الناس تتجه للإقتصاد و البنوك الإسلامية
.jpg)
41 comments:
ربنا يبارك فيك يارب ويجعلك دائما لسان صدق
تقديري
ربنا يكرمك يا رب و يخليكى
اللهم آمين :)
خلاص يا ميرو هدخل اشوفه دلوقتي
او انتي ابعتيلي انفايت عالفيس بوك
عندك حق الاسلام جميل والاحكام السماويه لو كنا مشينا عليها مكنش دا حالنا
فعلا الموضوع مهم جدا
فى كتاب اسمه الإقتصاد الإسلامى للشيخ على السالوس هايل برده فى موضوع البنوك
بالتوفيق دايما
ربنا يباركلك على المعلومه الجميله والدعوه الخالصه لله دى
الاقتصاد الاسلامي فعلا فكرة مش هينة
بس تفتكري ان البنوك عندنا هتقدر تحول للنظام ده
ويا تري الناس هيبقى رد فعلها ايه
فعلاا الموضوع ده مهم جدااا
شكراا علي نشر الفكره :)
hager za3bal ..
عملتلك إنفايت يا كوكا
romansy....
أكيد لان النظام الإسلامى نظام ربانى فطبعا لازم يكون هو اللى صح
mohamed ghalia ...
يارب
انا سمعت عن الكتاب ده...هو تقريبا كان على الجروب او فى حتة تانية..مش فاكرة شوفتوا فين !!
بسنت صلاح الدين...
ربنا يكرمك يا بسبس...و بجد نفسى اننا ناخد الموضوع ده بجد و نحاول نوصله فعلا
MaNoOoSh....
أكيد يا منوش تقدر خصوصا ان الغرب فعلا بدأ يطبق الفكرة دى...و متهيألى الناس لو لقت الوعى الكافى حتقدر الفكرة و تأيدها جدا لأن الشعب المصرى مش غبى...أحنا بس محتاجين نحل كام مشكلة كدة قبل النظام ده ما يطبق ..بس يا رب بس حد يظهر ينادى بيه فعلا
hager...
العفو يا قمر
بس يارب يجى بفايدة
ووووووووووووواو
دماغك ابتدت تشتغل
عال عال عال
وسكتى دهرا ونطقتى س ك ر ا"
فعلا الكلام زين زين
بس الناس حاليا مش فى الزين خالص
هى عند المزين
بس على العموم هى فكرة رائعة اننا نوعى بعضنا على الاقل ونفهم ماهية الدين الذى ابتعدنا عن منهجه
شطووووووووووووووووووووورة
ولييييييييييييييييكى
جاااااااااايزة كبير
جردل ميا زيادة لزوم تتطهير المدونه من الروايح
وعجبىىىىىىىىىىىى
ABOALI...
ده على أساس إن دماغى كانت مصدية
مااااااااااااااشى
على فكرة كدة دماغى حتزعل منك خالص
أنا بس اللى عاملة المدونة دى لليوميات
و شكرا على المية..بس اسفة أنا مش من النوع اللى بيتنازل عن مبدأه بسهولة...لن استحمى و لن اطهر المدونة يعنى لن استحمى و لن اطهر المدونة...خلى المية عشانك
ربنا يجزيكي خير على التنويه الجميل ده
فعلا الاقتصاديات الاسلاميه هيا اقل الاقتصاديات اللي تأثرت بالأزمه
يليها الاقتصاديات اللي بتعتمد على نسبة الفائده القليله زي الموجودين في شرق آسيا وده اللي بيفسر المنتجات بتاعة الناس ديه (السيارات وغيرها) متأثرت زي الاقتصاد الأمريكي
ربنا يكرمك
بارك الله فيكي
بالفعل العالم بعد الأزمه الإقتصاديه الأخيره بدأ التفكير جديا في العمل على جعل معدل الفايده يساوي صفر
وهو الإقتصاد الإسلامي
حيث تبين أن أفضل أساليب الإقتصاد تحملا ومواجهة للأزمات هو الإقتصاد الإسلامي
كيف لا وهو شرع الله العالم بأحوال العباد والأصلح لهم
ربنا يهدي مؤسساتنا الإقتصاديه ويبصرها بالأصلح لها ولشعوبها
دمتي بكل خير
اكيد كلامك صح
بس حتى البنوك الإسلاميه مش بتطبق الشريعه صح
لأن محدش هايرضى بالخسارة
تسلمي فعلا الموضوع ده مهم
بس ايه هي البنوك الاسلامية الي بتطبق الشريعة السلاسلامية فعلا
يعني كله بيعتمد على اسس واحدة اعتقد
انتي اكيد عارفة اكتر من خلال الموديل
ياريت توضحيلي او لو في الجروب الي على الفيس يبقى خلاص هقرء هناك...:)
معلش لو هتعبك
ربنا يبارك فيكي ويعزك ياارب
عليه الصلاة والسلام
طيب انا تجاري .. وعايز احضر الموديل ده ..
ممكن تدلينى على تفاصيل ؟
هاى حبيبتى
بجد الموضوع جديد عليا جدا لدرجة انى قريتة كذة مرة عشان احاول افهم.انتى بجد خوفتنيى من البنوك بس تفتكرى البوسطة ماشية برده بموضوع الفوائد ولا الارباح؟
ارجوكى ردى عليا
تحياتى
سلام
ازيك ياقمر
واحشانى ياوحشه ياللى مابتسأليش
والله انا بقلق من موضوع البنوك ده جدا
بصراحه اى حاجه فيها شبهه شك ببعد عنها
ربنا يجزيكى ويجزى اصحابك خير عن الموضوع ده ويارب يجى بفايده
وردا على حسام
البوسطه بتخير الناس بين انها تعمل حساب بفايده او لا ولو قلت قلت بتحفظ الفلوس وخلاص بدون فوايد
اخباراتك ايه بقى وامتحاناتك كانت عامله ايه ؟
طمنينى عنك
ما هو ده سر تقدم الغرب
* لما بيقع فى إزمة بيدور على الحل فى كل الاتجاهات ومنها تعامل الآخرين مع
موضوع الازمة ( سواء أزمة اقتصادية أو إجتماعية ... ) وفى معظم الاحيان بيلاقى الحل فى الشريعة الاسلامية .
هما بيعملوا كده وأحنا بنعمل العكس
شكرا ...أرجو قبول مرورى
جزاك الله خيرا انك نوهيتي بحاجه زي كده
ولو انى مش اقتصادي لكن لاني راجل عادي يهمني انى احط فلوس في البنك عشان الامان اللى بتتمتع بيه البنوك
انا دخلت الروب وجاري الاطلاع على هذا النظام
راسبوتين
ودي احلى حاجه فيهم انهم بيبحثوا في كل حتة حتى لو مذكرات الشيطان
هههههههههههههههه
تقلي مروري وتقديري
شكرا لكي علي هذا البوست المفيد
وبجد حيرونا شويه البنوك حرام وشويه البنوك حلال
نفتح الشباك والا نقفل الشباك
هروح الجروب اشوف نقفل الشباك والا نفتحه
أحمـــــــــــــد أبو العلا ...
هى اقل تأثيرا لأنها ببساطة نظام ربانى فلا يمكن يبقى غلط
ahmed_k...
اللهم آمين
بس البنوك الإسلامية مش نسبة فوايدها صفر...لا هى بيتدى فوايد بس على حسب الأرباح و مش بتتدى فوايد خالص لو حققت خساير...و هى بتعتمد على أساليب المضاربة و المشاركة و المرابحة فى إعطاء القروض اللى منها بتحقق خساير أو أرباح
blue-wave....
على فكرة وفقا لتقارير فرنسية...البنوك الإسلامية هى اكتر بنوك بتحقق أرباح
و ممكن البنوك هنا فى مصر بطبق الشريعة بنسبة 90% بس و ده لأن البنك المركزى خانقها و بيديها شروط البنوك الغير إسلامية
و البنوك الإسلامية عمرها ما بتسبب فى خسارة و الدليل على كدة الأزمة المالية و هى خير شاهد
Rooma Qandil...
مفيش تعب بالعكس...أنا بس حطيت الجروب لان بجد فيه كل حاجة و انا استغنيت بيه عن الكلام
أما بالنسبة لأن كله نفس الأسس...فده مش صح
الشريعة الإسلامية فى الاساس بتعتبر إن اى ربح ناتج عن تسليف نقود (ربا يعنى)ده حرام و ده اللى بيحصل فى البنوك العادية أنها بتمنح قروض فى مقابل انها تاخد فايدة اللى من خلالها بيتدينا فوائد الإيداع...طب دلوقتى ىبقى البنوك الإسلامية بتدى قروض؟؟ آه طبعا أكيد بتدى قروض بس عن طريق المضاربة و المشاركة و المرابحة..يعنى إيه!!!!
المشاركة يعنى هى بتدخل شريك بالفلوس فى مشروع معين و كمان بتشارك فى الإدارة...و المكسب و الخسارة بتكون بالنص...أما المضاربة فدى مثلا لو النبك مثلا حاسس انه حيدى قرض فى مشروع خطر مثلا فبيدخل شريك بالفلوس بس المكسب بياخد هو النسبة الأكبر (متفق عليها) و الخساة بيشلها كلها ...و المرابحة هو بيدخل شريك ب30% مثلا و النسبة دى هى نسبة الخسارة و الربح برضه...فا بكدة البنك تجنب الربح مقابل النقود و فى نفس الوقت دخل فى مشاريع بربح دائم ممكن تفوق المبلغ اللى دخل بيه بمرااااااااحل
ده ملخص سريع عن البنوك
و أى سؤال تانى أنا فى الخدمة :)
Hossam....
بص هو انا معلوماتى تقريبا ولا حاجة عن البوسطة...و متهيألى إنها بتبقى مخيرة تكون بفوايد او لأ...بص انت لو عارف عن البوسطة و عرفت عن الإقتصاد الإسلامى أكيد حتعرف إيه نظامها
نـــــــــــــور ...
هههههههههههههه
واضح إن انتى اللى مش بتسالى فى مدونتك...يا بنتى ما أنا رديت فى أخر بوست انتى كاتباه..حتى كان اسمه وأد القلب و كان تحفففففففففففة
و ياريت فعلا الكل يبعد عن أى حاجة فيها شبهة
أنا تمام و الإمتحانات إلى حد ما عدت على خير...ربنا يستر بقى
راسبوتين...
فعلا و الله حاجة تحزن...حنفضل إمعة و احنا كل حاجة تخلينا ناجحين عندنا
والله يا "أنا و دماغى" مش بفهم فى الأقتصاد قوى بس اللى فاهمه و متأكد منه أننا لو طبقنا النظام الأسلامى فى الدولة كأقتصاد أكيد حالنا هيتعدل
وعامة أنا أنضميت للجروب لعل أفهم حاجة فى الأقتصاد
و تحياتى لتجارة أنجليش :)))
مش عارفة ليه بحس انها مجرد مسميات يا ميرو لأن في ناس كتير بتتاجر بالدين للأسف
واي حاجه فيها اسلامية بيمشو وراها
ياريت فعلا البنوك الاسلامية تكون بتطبق الشريعة الاسلامية مش كل هدفهم المكسب
هايل يا اميره
ربنا يكرمك يا جميله وان شاء الله نشوف الجروب بأذن الله
ربنا يكرمك يا حبيبتى
السلام عليكم
والله مفتقدكم جدا اتمنى انك تكونى بخير يارب
وربنا يزيدك من علمه
تحياتى
احمد الشاعر
جزاكي الله عن كل المسلمين خيرا كثيرا
تحياتي لكي
شموسة
ربنا يخليوكى ليا يا حبايبى
ليدى...
فعلا فى ناس بتاجر بالدين بس معتقدتش انه فى بنوك بسمعة بنك فيصل و التمويل العربى السعودى
خوليوس....
و تجارة إنجلش بتحييك :)
شكرا انك انضميت للجروب و انا متأكدة انك حتستفيد
شمس النهار....
هههههههههههههههههههههههههههههه
لأ اقفليه
على فكرة كل مفتيين الدنيا قالوا اقفلوا ماعدا مصر قال مفتيها افتحوا :)
سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
المدونه
http://netonradio.blogspot.com
الموقع
http://stop.to/cairo
تحاتنا وامنياتنا لك بالتوفيق
إرسال تعليق