إزيكم يا جماحة بجد وحشننننننننى
باركوووووووووووووووولى
أخدنا المركز التانى فى مشروع البنوك هملنا مشروع جامد أوى أنا عن نفسى فرحانة بيه
دمجنا البنوك مع البورصة بشكل إسلامى
حبقى أقولكم علييه بعدين
أصلى خلاص عندى الفاينل كمان 3 اسابيع و بقالى أسبوع فى مؤتمرات و عايزة اتهد و أقعد أذاكر بقى
أنا خلاص زعلانة عشان ال إيه بى سى خلص و مش حشوف الناس اللى حبتهم عااااااااااااا
و الله زعلانة أوى فعلا
عايزة اكلمكم على المؤتمرات اللى عملناها بس بعدين كما هى العادة بس عايزة بس أنزل صورة و انا بعمل برزنتيشن و جنبى التيم بتاعى
و قوليلى إيه رأيكم و انا حد مهم :)
أيوة انا الشخصية اللى بتتكلم دى و بتحرك إيدها :)
بجد كمان بشكر كل اللى وقفوا جنبنا و أستحملونا الموديراتورز بتوعنا
أحمد يحيى-نفين-بسرا ناقص أية فى الصورة اللى جاية :)
أية بقى اللى واقفة جنب البت اللى لابسة بلوزة بمبى....اللى هو أنا يعنى :)
انا بجد بحب الناس دى أوى و فعلا غيروا فيا حاجات كتير و مش قادرة أصدق إنى خلاص مش حرجع أشوفهم كل يوم جمعة تانى
عااااااااااااااااااا
أدعولى عشان الفاينل بقى
عااااااااااااااااااااااا تانى
.jpg)
24 comments:
ألف مبروووووووووووووووك وعقبال الفاينل ان شاء الله
ان شاء الله تخرجي من العمل ده بأصحابك وتفضلوا مع بعض على طووووووووول
وووووووووووواو
المركز التانى معقول برضوا
ده كان مركز الزمالك المميز
وكمان تلاقى كده ليه رنه فى الودان
الدور التانى بتاع السنويه العامة
والتيرم التانى وهكذا
فلا تزعلى ليكم وضع برضوا
على العموم مبروك وبالتوفيق
وكمان اللى بيعمل PRESENTATION
لا يشاور بيده
لازم يكون معاه POINTER
علشان لون المونوكير لا يظهر
ههههههههههه
تحياتى
الف مبروك يا قمر
وان شاء الله ناجحة وموفقة فى الامتحانات الجاية وربنا معاكى يا عثل
مبروك ياقمرتى
انا كمان بعد تلات اسابيع الفاينال
بسعندى مناقشه بروجيكت يوم 2/5 وعندى مناقشه مشروع تانى يوم 5/5 ده غير مشروع التخرج اللى بعد الامتحانات :((
شفتينى وانا مطحونه؟
ادعيلى معاكى
بالستر والصحه وراحه البال :)
الف مبروك ويارب دايما
ربنا يكرمك ويسعدك
وبالتوفيق فى إمتحناتك
فعلا العمل الجماعي من ألذ الحاجات ف الدنيا
ألف مبروك ومتزعليش أبدا
بإذن الله أيامك كتير ومصيرك تتورطي في شغلانات أحلى وأحلى
مشاء الله زى العسل
يارب دائما ناجحين
ودائما مع بعض ومتجمعين فى الخير
يلا ربنا يوفقك
تقبلى مرورى
السلام عليكم
الف مليون مبروك
وان شاء الله تفوزو وتكسبوا في النهائي
وتحققي كل اهدافك وأحلامك
ودائما في تفوق
واصرار علي النجاح
حمدالله علي السلامه
والف مبروك
اي بلوزه بمبي علاشن انا مبعرفش في الاولوان ههههههههه
مفتقدينك
تقبلي مروري
مجنووون
حمد الله علي السلامه وربنا معااااااااكي في الفاينل
وبعدها هنرررررررررررغي كتييييييييييير زي ماوعدتك بس ذااااااااااااااااكرى
ألف مبروك ياقمر وعقبال ما تنجحى وتكونى الاولى ان شاء الله
وحشتينى جدا علي فكره
تحياتى حبيبتى
شموسة...
أيوة أدعولى يا جماعة
عاااااااااااا
ليكى عندى تاج.. اول ما تخلصى امتحانات يا عثل
اولا مليون مبروك يا اميره مليون مبروك يا حبيبتى برافو عليكى
ثانيا بئه انتى اموره قوى قوى قوى ومش تخينه خالص مين قال انك تخينه
مع ان التخن مش تهمه يعنى
الف الف مليون ترليون مبروووووووك
عقبال الاول المره الجايه
وباذن الله مافيش حاجه هتفرقكوا
بس انتوا انووا بس
حلوه حكايه النيه دي :D
وجايه هنا تاني
بس حطيلي عصير ع باب البوست :D:D
ايه يا اخويا الناس دي
مؤتمؤات وحاجات
كتنا نيله في حظنا الهباب
قضينا الكليه في عك وهم وتخلف بعض الدكاتره
اقول ايه بس
مش بنق ولا حاجه متزقيش كده
انا بتحسر على الذكريات بس
بصي لو زعلانه علشان مش هتشوفي اصحابك دول عايز اقولك لا افرحي بقى عارفه ليه لأن من الناس دول هيفضلك مجموعه قليله جدا اللي هم فعلا مهتمين بيكي وبصداقتك وانتي حد مهم في حياتهم هتلاقيهم في حياتك بعد كده ومش هيخرجوا منها بالتالي هتعرفي مين يستحق صداقتك واهتمامك اكتر
صدقيني ساعات بنزعل على اننا بنبعد عن اصحابنا بس مع الوقت بتعرفي مين اكتر حد فيهم غالي عندك ومين جدع ومين بيسال عنك
ومين متابعك ومين انتي هتسالي عنهم وهيوحشوكي بجد
كل دي حاجات هتتكرر معاكي طول عمرك تقابلي ناس وتسيبي ناس وميتعلقش معاكي غير احسن الناس
ربنا يسعدك ويوفقك بقى في الأمتحانات
ذاكري كويس
سلااااااااااااااااااااااام
الف مبروك
وعقبال النهائي ان شاء الله
ووفقكم الله الى ما يحبه ويرضاه
مبروك ياقمر
وبالتوفيق ان شاء الله
بس انا مش عرفت اشوفك على فكرة بقى هه
عشان اختك نظرها شيش بيش اصلا )):
الف الف مبروك علي المركز التاني المره الجايه يكون الاول
وربنا معاكي في الامتحان ان شاء الله
الف مبرووووك ياقمر
ربنا يكرمك ويوفقك ويفتح عليكي ان شاء الله وتخلصي على خير
مبسوطة اوى انى اتكعبلت فى بلوجتك :)
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039
من الجيد ان تنجح في شئ تفعله
اما من جهة الاصدقاء فلو كنتم بالفعل صرتم اصدقاء فستجدون بعضكم البعض مهما طال الوقت
مرسى ليكم أوى يا جماعة بجد
إرسال تعليق