الثلاثاء، 21 أبريل، 2009

زعلانة أوى و فرحانة اوى




إزيكم يا جماحة بجد وحشننننننننى

باركوووووووووووووووولى


أخدنا المركز التانى فى مشروع البنوك هملنا مشروع جامد أوى أنا عن نفسى فرحانة بيه

دمجنا البنوك مع البورصة بشكل إسلامى









حبقى أقولكم علييه بعدين
أصلى خلاص عندى الفاينل كمان 3 اسابيع و بقالى أسبوع فى مؤتمرات و عايزة اتهد و أقعد أذاكر بقى
أنا خلاص زعلانة عشان ال إيه بى سى خلص و مش حشوف الناس اللى حبتهم عااااااااااااا
و الله زعلانة أوى فعلا
عايزة اكلمكم على المؤتمرات اللى عملناها بس بعدين كما هى العادة بس عايزة بس أنزل صورة و انا بعمل برزنتيشن و جنبى التيم بتاعى






















و قوليلى إيه رأيكم و انا حد مهم :)























أيوة انا الشخصية اللى بتتكلم دى و بتحرك إيدها :)



بجد كمان بشكر كل اللى وقفوا جنبنا و أستحملونا الموديراتورز بتوعنا









أحمد يحيى-نفين-بسرا ناقص أية فى الصورة اللى جاية :)





أية بقى اللى واقفة جنب البت اللى لابسة بلوزة بمبى....اللى هو أنا يعنى :)

انا بجد بحب الناس دى أوى و فعلا غيروا فيا حاجات كتير و مش قادرة أصدق إنى خلاص مش حرجع أشوفهم كل يوم جمعة تانى

عااااااااااااااااااا

أدعولى عشان الفاينل بقى

عااااااااااااااااااااااا تانى

السبت، 11 أبريل، 2009

محتاجة لمساعدتكم أوى .....تعالوا بسررررررعة

يا جماعة أحنا عندنا خلاص المؤتمر بدأ
و الجزء الأول منه أننا نتخيل كفريق أننا بنك
و لازم نقدم مشروع أو خدمة مش موجودة فى أى بنك من بنوك مصر و لازم تكون إسلامية يعنى من غير فايدة
هااااااااااااااااااا
عايزة افكار أنا مهرية و كل فكرة أجبها تتطلع موجودة
عاااااااااااااااااااااااااااااااا
عشان خطرى يا جماعة اى حد عنده فكرة يقولى عليها و اشوفها و أعملها دراسة
و صاحب احسن فكرة ليه جايزة
يلاااااااااااا
كل ما تعلق أكتر فرصتك فى الفوز تكتر
:(

الأربعاء، 1 أبريل، 2009

بكتشف حاجات جوايا

إزيكم يا أحلى مدونين فى الدنيا كلها
بصوا أنا بجد مكسوفة منكم أوى و عارفة إنى مقصرة معاكم جامد
و أنتوا و الله فعلا وحشنى جداااا
بس أنا يا جماعة بجد الأيام دى عايشة حالة حلوة اوى و بعيش حياة جديدة عليا
بعرف ناس كتير و كل يوم بيعدى بقى يضفلى حاجة و كل يوم بقعد مع نفسى و بكتشف فيها حاجة مكنتش شايفاها
و حاجة من اللى أكتشفتها إنى لما بحط حاجة فى دماغى بجد بعرف أجبها صح
و فى كمان حاجات كتير اوى لقتها فيا و فى مواقف معينة حصلت أتصرفت فيها بطريقة مكنتش أتخيلها
و قدرت فعلا إنى ابطل عيب كان غبى أوى فيا و هى العصبية الأوفر
أنا طول الفترة اللى فاتت بالرغم من أنها ضغط لأن الإمتحانات قربت إلا إنى كنت مستمتعة بيها أوى لأنى حاسة إن الحياة فيها حاجات كتير
و إن الواحد بيإيده يقدر يخلى كل يوم بيعدى عليه يوم و حلو و جميل و فى دم جديد حتى لو الشخصيات و الأحداث هى هى
أنا مكنتش ناوية أكتب أى بوست لحد الكونفرنس الكبيييييير ما يبدأ الجمعة اللى بعد بعد اللى جاية عشان أحكلكه عنه و أنزله بالصور :)
بس بجد مش قادرة مكتبش البوست ده لأنى حاسة إن بقى فى حاجة جديدة و جميلة......يمكن الحالة دى سببها أنى بدأت أحس بنفسى أكتر أو إنى بدأت أعرف ناس كتير أو إنى عرفت أغير حاجة جوايا كانت مضيقانى......مش عارفة
بس اللى عارفاه إنى إن شاء الله حبذل جهدى عشان أفضل عايشة الحالة دى أكبر وقت ممكن
بحبــــــــــــــــــــــــــــــــــكم أوى
و سامحونى على التقصير
إن شاء الله بكرة تزهقوا منى