باركووووووووووووووووووولى

الناجح يرفع إيده

هييييييييييييييييييييييييييييييييييييييييييييييييييييييييييييييييييه

الحمد لله يا جماعة جبت جييييييييييييييييييييييييييييييد

بس التيرم التانى كان فاضلى درجة على جيد جدا

هييييييييييييييييييييييييييييييييييييييييييييييييييييييييييييييييه

أنا سعيدة أوى لأنى كنت واخدة السنة دى تحدى زى ما قلتلكم لأنى طول عمرى كنت باخد دروس و كمان كان بابا بيشرحلى كل المواد و أنا مكنتش بفكر تقريبا

فا بجد أنا سعيدة أوى انى اعتمد على نفسى و جبت كدة

الحمد لله

و بالمناسبة الحلوة دى فى مفجأة خصوصا لابو على

ابو على

خد دى عندك

أنا قررت آخد دش و انضف المدونة

يللا بقى ...كفاية عليك خنقة نفس

شجرة العائلة التدوينية :)

أولا أعذرونى فى تقصيرى معاكم ...بس أنا و الله متبعاكم كلكم

و عايزة اقول لحجا المصرى بجد مدونتك حلوة اوى أوى اوى و عجبانى جدا بس معلش و الله مش قادرة حتى ارد عندى

:)

بس إن شاء الله كل حاجة حترجع طبيعية بس مش عارفة امتى اصل احنا خلاص حنعمل الشقة و حنبيضها و أنا أساسا تقريبا كل كام يوم بنزل الجامعة من أول اليوم

بصوا بقى يا جماحة...أنا مكنتش ناوية انزل بوست غير لما اللى الحاجة اللى ذكرتها فى البوست اللى فات تحصل أو متحصلش حتى البوست اللى كنت حنزله عن مقابلتى مع كيارا و عن البلاوى اللى عملتها فيا و فى جرسون المطعم

بس مش قادرة و عايزة اقلكم عن لقاء المدونين اللى بنعملوا كل جمعة عند تيتا و جدو !!

اصل انتو متعرفوش انا و خالتى و مرات خالى و بناتها كلنا عندنا مدونات و دى بجد حاجة مفرحانى أوى لأننا كدة حنعمل احتلال و حنسطو على أى مدونة مش عجبانا (وش شريييييييير)

و قريبا بدور العرض

بنت خالتى

ده حتى سارة بنت خالى اللى عندها 3 سنين و شوية بتقول أنا عايزة اعمل مدونة

:)

احب اعرفكوا بالمدونات و الترتيب بالأقدمية

http://hanaa-sarah.blogspot.com/

شوية و شوية (مرات خالى)

http://anahwa.blogspot.com/

أنا و هو و ... (خالة مرات خالى)

sohilasworld.blogspot.com

سهيلة بنت خالى..عندها 9 سنين

بجد فرحانة بيها اوى اوى اوى و اسلوبها عجبنى اوى

و احسن حاجة مش عاملة زى اختها و بتكتب بالإنجلش

قشطة عليكى يا سوسو

http://sam26-sam.blogspot.com/

سامز ورلد (بنت خالى)

بتكتب بالإنجلش ..عااااااا..و كنت بتخانق معاها قبل ما تعملها و أقولها ليه ياختى ما تعيشى عيشة اهلك و تعمليها عربى ده إيه ده

و مرات خالى ساعتها قالتلى خلاص تسبيها تكتب باللغة اللى عايزاها

ماااااااااااااااااشى يا نؤنؤ

مش حنسى انك موقفتيش جنبى

و انتى يا سلمى يا جزمة..حخلينى وراكى و يا أنا يانتى

و سلمى دى بقى عندها 13 سنة و برضه سعيدة اووووووى بأسلوبها

ربنا يحميكى و يا سلامة و يهديكى و تكتيى عربى

http://wwwbashar.blogspot.com/

كلنا بشر (خالتوووووووو)

اللى مسميلنا نفسها قمر...قال يعنى

اصل ده الاسم اللى تيتا بتناديها بييييييييييييييه

أما ماما بقى مش عايزة تعمل واحدة..مش فاهمة ليه

ماشى يا ماما

احنا بقى بنجيب فى سيرتكم ماشى...يعنى اوعوا حد يعمل معانا حاجة كدة و لا كدة احسن..مش حتشوفوا إيه اللى حيحصل

تخارييييييييييييييييييييف

قال راحة قال

كنت و أنا كدة قاعدة بذاكر البسبس (او البزنس يعنى)كنت عمالة اقول يااااااه خلاص بقى دى اخر مادة و بعدين حقعد اغنى و اقول اعطنى حريتى و اطلق يداى .....و آدى الاجازة اهه و آدى يداى اللى اطلقت

إيه بقى

إيييييييييييييييييه

و لا حاجة كنت عمالة أقول حعمل شغل فى المدونة محصلش و حروح ساقية الصاوى ده فيها كام ندوة تحفة و حروح الجيم و حروح المكتبة و حعمل ماسكات فى وشى

و النتيجة.....

حالة من الكسل غير عادية

و بعد كدة.....

لما راحت حالة الكسل النهاردة لقيتى بروح احجز كورس المحادثة و الكمبيوتر عشان اخدهم و حان الوقت للتجهيز للقنبلة اللى عايزة اعملها و بجد حاسة انها حتغير حياتى

و المدونة.......

مش لاقية وقت ارد على حد....زى الدراسة بالظبط....فى مدونات نفسى ادخلها و مش لاقية وقت ...فى جروبات على الفيس عايزة اتابعها اول بأول و مش عارفة مش بعمل كدة ليه

و فى النهاية حاسة انى قاعدة ورايا واجب ولازم يخلص و مش حاسة انى فى راحة

فرحانة برضه:

النهاردة و أنا بحجز للكورس بتاع الإنجلش و الكمبيوتر الراجل قالى عاجبنى انك محددة اللى انتى عايزاه و فعلا حاسة بأهمية اللى انتى عايزة تخديه

و ماما كمان قالتلى فرحانة اوى ان انتى اللى بتسألى على الكورسات أنا كنت فاكرة انك مش حتعملى حاجة و انا مكنتش حبقى حابة اضغط عليكى فى الموضوع ده

طب فرحانة ليه بقى......

لأنى فعلا حاسة ان تفكيرى بيتغير ..حتى طريقة كلامى أنا ملاحظة انها اختلفت

و كن إن الراجل ده و ماما يقولولى كدة..بجد دى حاجة فرحتنى اوى

اصل أنا اصلا كنت عاملة زى الكبة فى ثانوية عامة...لا كنت بعرف اصد و لا أرد

ال mail

أكتر حاجة بكرها فى حياتى انى ادخل على المايل بجد...مش بطيقه و مش بطيق اكتر انى اعمل تشك أب على الرسايل اللى جيالى

و كل اللى يعرفنى بيبقى فاكر انى عملاله بلوك أو اوف لاين و مش بكلمه...محدش قادر يستوعب انى فعلا ببقى متنرفزة و انا قاعدة على المايل

و أيام اجتماعات إيه بى سى اللى كانت بتتعمل على المايل..ربنا وحده اللى يعلم أنا كنت ببقى مش طايقة الإجتماع إزاى

بجد يا جماعة بكره المايل أوووووووووى و مش لاقية سبب لده

الفيس بوك

بكره انى اقعد اعمل اجنور لكمية الجروبات اللى ملهاش لازمة اللى بتتبعتلى و يا سلام بقى لو حد على الفيس بعتلى هدية و لا مش عارفة توب فريندز....و أنا أصلا معرفش الخيارة من رغيف العيش فى الموضوع ده...لدرجة إن البت ضد بعتتلى هدية فا قولت لازم بقى ابقى حد جينتل و أرد عليها بهدية ...يعنى البنية لسة جديدة عندى و برضه يعنى مينفعش اسبها كدة

و ياريتنى ما بعتلها حاجة ياختى/يا خويا

جيت ابعت بوسة معرفش إيه اللى حصل لقتها اتبعت لل211 فرند اللى عندى...و أكيد بقى شكلى وحششششش قدام بعض الناس(فهمنى أكيد)

من يومها و أنا حالفة ما أنا بعته حاجة تانى

أنا آخرى فى الفيس ده الجروبات و الكويزات و الفيديوز و الفرندز و الحالات بتاعتهم و اتفرج على الصور و بسسسسسس

بفكرررر...

عايزة اعمل على الفيس البوم ل إيه بى سى فيه صور السنة دى و اللى بعدها و اللى بعد بعدها و اللى بعد بعد بعدها إن شاء الله

بس الموضوع ده مخوفنى لأنى مبحبش احط صورى على النت ..بس بجد نفسى فى كدة و مش عارفة اعمل إيييييه

و بفكر كمان اغير استايل لبسى...مش عايزة البس كارينة و لا حاجة قصيرة تانى...و نفسى البس جيبة...يا رب اعرف اعمل كدة

ربنا....

القرب منه نعمة... مسكين اللى مش عنده النعمة دى

بجد من ساعة ما علاقتى بربنا بقت إلى حد ما كويسة و انا حاسة بسكينة و فعلا حاجات كتير بتتفتحلى كدة بالبركة...بجد بجد أنا بحبك أوى يارب...و يارب انعم على كل المسلمين بالهداية و خليهم يحسوا لذة القرب منك

اللهم آمين

المدونين....

عاملين فى حياتى شو رهييييييييب

أنا بجد بحبكم أوى ...و بجد اى حد من اللى محطوطين على جنب دول ..متعرفوش ببقى عاملة إزاى لما بشوف حد منهم عندى

ربنا يخليكوا ليا

و أخيرا

أنا داخلة على منعطف تاريخى (القنبلة اللى ذكرتها فوق)

داخلة بجد فى موضوع مش سهل ابدا..بس مش حقدر اقوله دلوقتى...لو حصل حقولكم عليه...و لو محصلش برضه حقولكم عليه

بس كل اللى بطلبه منكم بجد

لو حد افتكرنى كدة و هو قاعد يدعيلى إن الموضوع ده لو فيه خير ليا ربنا ينولهونى ...و لو مفهوش ربنا يبعدوا عنى

سورى بجد على الإطالة...بس انا كدة طلعت اللى جوايا

كلام واجب عليا اقوله

إزيكم يا جماحة ...عاملين إيه

على الله كل حاجة تكون تمام

أنا فى كام كلمة كدة عايزة اقولها و حاسة إن واجب عليا انى اقولها بحكم انى مسلمة و عرفتها

طبعا انا قلتلكم إنى كنت فى موديل اسمه

ABC

و من خلال المدويل ده اتعلمت حاجة كان المفروض فعلا انى اتعلمها

اتعلمت نظام الإقتصاد الإسلامى و البنوك الإسلامية

كنت قبل ما ادخل كنت مقتنعة ان عادى و مش حرام انى احط فلوسى فى بنك غير إسلامى

بس فعلا لما دخلت الموديل ده وفهمت يعنى إيه اقتصاد إسلامى و عرفت إن الشريعة الإسلامية ترفض الحصول على مال زائد مقابل مال

(يعنى بمعنى أدق انهم بياخدوا فايدة و ده طبعا حرام لأنه ربح ناتج عن تسليف المال..يعنى مش ربح ناتج عن تجارة أو عمل ملموس)

و كمان فى الفترة الاخيرة لو حد متابع طلع المفتى وحرم التعامل مع البنوك الغير إسلامية ...حتى فى الغرب بدأو يدرسوا الإقتصاد الإسلامى لأنهم لقوا إن البنوك الإسلامية كان تأثرها بسيط أوى بالازمة الإقتصادية

الكلام عن الإقتصاد الإسلامى كبير أوى

بس أنا لقيت إن لازم أقول كدة

http://www.facebook.com/home.php#/group.php?gid=87646847870&ref=mf

ده جروب (إقتصاد اسلامى ) على الفيس بوك عملوه ناس معانا فى الموديل _جزاهم الله خيرا_

ياريت بجد تشوفوه و تشوفه قد إيه النظام الإسلامى الإقتصادى رائع

و ياريت لو حد فعلا تحمس و همه الأمر ننشر الفكرة...يمكن نكون سبب فى ان الناس تتجه للإقتصاد و البنوك الإسلامية

كفاية سفالة بقى...إزيكم الأول :)

يا الله ...بجد كل حاجة فى عالم التدوين وحشانى ..أول مرة أبعد بالمنظر ده

بس فعلا انا كنت محتاجة أعمل كدة لدواعى شخصية نفسية:)

طب مش محتاجة اقول أنتوا وحشنى إزاى و المدونة بقولها أنتى وحشانى اوى و حاسة إنى ضيفة جديدة عليكى النهاردة

بس انا جاية أحيكى تانى و أرد فيكى الروح

____________________________________

بصراحة بقى يا جماعة انا فى حاجة بجد معصبانى أوى و مضايقة منها جدا

تفتكروا إيه

يمكن عشان مكلتش شيكولاتة بقالى فترة

لا لا

المرة دى الخنقة أكبر

خلاص أنا عرفت

عارفين إيه

أصل أنا حاسة إن أحنا بقينا نعامل (مع ضم النون و فتح العين ) على أساس اننا شعب حيوانى

ليه الكلام الكبير ده

ببساطة اوى أنا قلت كدة عشان حاسة إن السينما اليومين دول بقت قذرة أوى قذرة بزيادة

حتى الممثلات اللى كنت بحترمهم نقصوا واحدة بعد ما شفت إعلان منى زكى حسيت إن الكل بقى تبع الموجة

أحنا عايزين سينما نضيفة

و محدش يجى يقولى انا أرفض مصطلح السينما النضيفة

أنا بقى موافقة عليه و اى حد محترم حيوافق عليه

مش معنى السينما النضيفة إن يبقى فى أنواع معينة ما تتمسلش لأ طبعا مثلوا اللى أنتوا عايزينوا

بس معتقدتش إن عشان فهمى يكتمل لقصة الفيلم لازم ادخل مع البطل و البطلة أوضة النوم

لو فى فيلم فى رقاصة او فتاة ليل أو واحدة كدة ولا كدة أوكى قدمها و ممكن الفيلم يتعمل من غير مشهد واحد يقرف الواحد

كفاية اوى تجيبوا بداية غير مباشرة لمشهد قذر و متهيالى إن أى مواطن طبيعى يقدر يفهم إيه اللى حصل

مش لازم نقعد نتفرج على بطل و بطلة بيبوسوا بعض بطريقة قذرة عشان نفهم الفيلم

ليه التعامل مع المشاهد بقى مع الغرايز و الشهوات ....حرام عليكوا يا مخرجين (مخرجين قرف و حقارة)

الذوق العام للناس هبط

مش فاهمة حيحصل إيه لو الفيلم محتواش على مشهد خارج

متهيألى كلنا شوفنا أفلام محذوف منها مشاهد و فهمنا يعنى الحجة الواهية بتاعة لخدمة السيناريو دى مش موجودة أصلى

عارفين أنا لما بآجى أفكر كدة فى فيلم عن العشق و الهوى و بقول الفيلم ده لو كان عملوا خالد يوسف أو إناس الدغيدى

كان خرج بالمنظر النضيف ده معتقدتش خصوصا إن الفيلم يسمح إن يتخلله مشاهد مش حلوة

الموضوع كله موضوع مخرج مش محترم و لا أمين على فنه او دينه

و مفهوم السينما النضيفة اللى مش طايقينه ده عادى و مفهوش حاجة و ممكن يخليهم يعملوا كل حاجة بس بإحترام أحنا فى النهاية مسلمين و فى بلد عربى و المفروض نحترم ده ...و نراعى أننا لازم نكون مختلفين حتى لما الغرب يجوا يبصولنا يحسوا أننا عندنا فن راقى يليق بينا و بمقامنا اللى مفروض انه يكون عالى أوى

دى حتى امريكا اللى هى امريكا بدأت يظهر فيها حملات و جمعيات بتنادى بوقف الافلام دى و عرى المرأة لأن المرأة مش فاترينة يتبص عليها (و ده كلامهم هما لا زاد ولا نقص)

كفاية بقى أفلام كدة الواحد تعب...عايزين فيلم يصحى فينا المشاعر الجميلة النضيفة ...عايزين فيلم نفرج عليه مع أهالينا و أحنا فرحانين و كرامتنا محفوظة

كفاية بقى بجد

زعلانة أوى و فرحانة اوى

إزيكم يا جماحة بجد وحشننننننننى

باركوووووووووووووووولى

أخدنا المركز التانى فى مشروع البنوك هملنا مشروع جامد أوى أنا عن نفسى فرحانة بيه

دمجنا البنوك مع البورصة بشكل إسلامى

حبقى أقولكم علييه بعدين

أصلى خلاص عندى الفاينل كمان 3 اسابيع و بقالى أسبوع فى مؤتمرات و عايزة اتهد و أقعد أذاكر بقى

أنا خلاص زعلانة عشان ال إيه بى سى خلص و مش حشوف الناس اللى حبتهم عااااااااااااا

و الله زعلانة أوى فعلا

عايزة اكلمكم على المؤتمرات اللى عملناها بس بعدين كما هى العادة بس عايزة بس أنزل صورة و انا بعمل برزنتيشن و جنبى التيم بتاعى

و قوليلى إيه رأيكم و انا حد مهم :)

أيوة انا الشخصية اللى بتتكلم دى و بتحرك إيدها :)

بجد كمان بشكر كل اللى وقفوا جنبنا و أستحملونا الموديراتورز بتوعنا

أحمد يحيى-نفين-بسرا ناقص أية فى الصورة اللى جاية :)

أية بقى اللى واقفة جنب البت اللى لابسة بلوزة بمبى....اللى هو أنا يعنى :)

انا بجد بحب الناس دى أوى و فعلا غيروا فيا حاجات كتير و مش قادرة أصدق إنى خلاص مش حرجع أشوفهم كل يوم جمعة تانى

عااااااااااااااااااا

أدعولى عشان الفاينل بقى

عااااااااااااااااااااااا تانى

محتاجة لمساعدتكم أوى .....تعالوا بسررررررعة

يا جماعة أحنا عندنا خلاص المؤتمر بدأ

و الجزء الأول منه أننا نتخيل كفريق أننا بنك

و لازم نقدم مشروع أو خدمة مش موجودة فى أى بنك من بنوك مصر و لازم تكون إسلامية يعنى من غير فايدة

هااااااااااااااااااا

عايزة افكار أنا مهرية و كل فكرة أجبها تتطلع موجودة

عاااااااااااااااااااااااااااااااا

عشان خطرى يا جماعة اى حد عنده فكرة يقولى عليها و اشوفها و أعملها دراسة

و صاحب احسن فكرة ليه جايزة

يلاااااااااااا

كل ما تعلق أكتر فرصتك فى الفوز تكتر

:(